Shillong,Risaw 19: Ha kane ka sngi da wan iashim bynta da ki spah ngut ki samla jong kane ka thaiñ kumba la pynnlong da ka jingiatrei lang jong ka Nehru Yuva Kendra (NYK), Jaiñtia Hill District.
La ioh ia ki kyntien pdiang sngewbha na u Danny Shadap uba long ruh u Executive Director jong ka CDS la ia don lang ruh u L. T. Tariang uba long kum u Block Development Officer (BDO) ha ka jingiadon u Chanky Lyngdoh u ba long kum u MDC jong ka 13 Saphai Constituency.
Ha kane ka sngi la wan ar ngut ki Resource Person ka E. Wanda Warjri kaba long kum ka Executive Secretary jong ka VHAM Shillong bad i Dr. Rika Lamar kaba long ka Director jong ka Manbha Foundation Shillong ryngkat ki Volunteer jong ka NYK bad ki nongtrei jong ka CDS. La ioh ia ki jingkren sneng na u BDO bad na u MDC haba ia dei bad ka theme jong kane ka programme kaba ong “Mental Health- For Sustainable Tomorrow”.
Ki nongkren kiba don hakane ka sngi ki la batai shai halor kane ka phang kaba lah buh ban kyntu ia ki samla ba kim dei ban buhrieh ia ki jingeh jingshitom ki ba ki shem ha ïing ha sem ha skul, college, ne ka jingiadei paralok ba kin lait na ki jingma, namar mynta ki sngi ki bun ki samla ki shim ia la ka jong ka jingim.
