Pynlut ka KHADC T.25 lak  ban tei pung dohkha ha Lailad, ka jingmih T. 9500 tyngka

Shillong, Lber 01: U EM ba dei peit ia ki kam ri dohkha jong ka KHADC u bah Mitchel Wankhar haba jubab ia ka jingkylli jong u bah Bajop Pyngrope ha kaba ia dei bad ka jingmih na ki pung ri dohkha jong ka KHADC, la iathuh ba ka jingmih baroh ka long T.9500 tyngka.

Ha u snem 2007-2008 ka jingmih ka long T.2000/- tyngka bad ha u snem 2018-2019 ka jingmih ka long T.7,500/- tyngka bad ka jingmih duna ka bai dohkha ka long ba dei ki MDC hi kiba leit ban khwai ia ki dohkha, na ka liang ka ophis kala pynmih ia ka hukum ban nym shah shuh iano iano ruh ban khrwai.

Haba jubab ia ka jingkylli bynrap, na ka liang jong u Em ba dei peit ia ka kam ri dkhoha hapoh jong ka KHADC, la ong ba na ki jingkhein kiba paw ka KHADC kala pynlut haduh T.25 lak tyngka ban shna ia ki pung dohkha.

Haba juba ia kawei pat ka jingkylli bynrap ha kaba ia dei bad ki nongtrei kiba don ha katei ka jaka ba don ki pung, na ka liang jong u EM ba dei peit, u la ong ba ka dei ka jingshisha ba ki don ki nongtrei hynrei haba ka duna ka jingmang pisa ban ai bam ki dohkha ki duna thew.

Na ka liang jong u MDC ka Mawhati u Bah Charles Marngar u la ong ba lada kam don jingmyntoi dei ban pynduh noh ia kine ki pung dohkha namar ka ktah ia ka mang tyngka KHADC , na ka liang jong u bah R V Lyngdoh u la ong ba dei ban peit bad pynthymmai ia ka jingtrei kam kane ka tnad.

What Next?

Recent Articles

Leave a Reply

Submit Comment

*