Pynpaw ka KSU, SWKH ia ka jingsngewnguh ia ka sorkar ba la plie ia ka PHC Wahkaji

Shillong, Naiwieng 05: Ka KSU South West Khasi Hills District ka ai Khublei iaka Tnad jongka Koit ka khiah jongka Sorkar Meghalaya lyngba ka Myntri ba dei peit ia kane ka tnad i Kong Roshan Warjri iaka jinglah jong kane ka tnad ban plie noh iaka Wahkaji PHC kaba dei ka jingphohsniew jong ki paitbah Kane ka thain mynta ka kumba 20 snem.

Kumban shu pynkynmaw kane ka PHC ka la sah khongreng bad ka la sahteng ruh hadien ba ka Sorkar jylla ka la aiti haka Uranium Corporation of India Limited ha u snem 2005. Kumta,  naka liang jongka Seng ha u bnai May jong u snem 2016 ngi la leit ban iakynduh ia u Director of Health Services bad ia u Myntri jong ka Koit ka khiah ha kato ka por u bah A. L Hek ban dawa na ka Sorkar ba ka dei ban shimti noh sha lade ia kane ka PHC, ban maramot ia kane ka PHC, ban wanrah pat ia ki nongtrei jongkane ka PHC ba la rah Shawei bad ban plie noh ia kane ka PHC namar ki paitbah Kane ka thain naduh Langpa,  Phlamgdiloin,  Warsanlyngdoh ki hap iaid da ki bun phew kilometres ban ioh phah sumar haki PHC bad CHC ba jan tam bad Kane ka la wanrah shikatdei eh iaki paitbah Kane ka thain.

Na ka liang jongngi,  ngi la dawa ka slem bah ban plie ia kane ka PHC namar kiba kum kine ki dei ka roi ka par ban Shakri hok ia u Duk u suk napoh Kane ka thain. Hadien ba naka liang jongka UCIL ka la aiti noh ia kane ka PHC sha ka Sorkar,  ngi la leit ban iakynduh ruh bunsien ia I Kong Roshan Warjri iba la shimti ia ka Shuki na u Bah A. L Hek bad haka jingiakynduh jongngi ha u bnai July mynta u snem ma i ila Kular ban plie noh ia kane ka PHC hapoh jong Une u snem.

Ka Seng ka ai Khublei ia ka Tnad jongka Koit ka Khiah bad iaka Myntri jong kane ka tnad ba ki la bat ia kaei kaba ki la Kular haka Seng bad ki paitbah ka thain ha kaba ka la paw ruh haki lad pathai khubor ha u bnai July mynta u snem bad ki la lah ruh ban pynurlong ia ka ba la plie pyrda noh ia kane ka PHC mynta ka kynti. Ka Seng ka Khmih lynti ba Kane ka PHC kan ai ka jingshakri ba pura ia ki paitbah Kane ka thain khamtam haki por jongka pang ka shitom. Ka kyrwoh na u Samla Forwardman Nongrem,  President,  KSU South West Khasi Hills District.

 

What Next?

Recent Articles

Leave a Reply

Submit Comment
*