Shillong, Lber 27: U Lat jong ka jylla u Ganga Prasad u la pynphai noh ia ka Khasi Hills Autonomous District (Village Adminstration Bill) 2014 ia kaba la passed da ka iing dorbar ha ka jingiashong dorbar ha ka 1.7.2014 bad ia kaba la pynbeit pat ha ka 30.5.2015 da ka iing dorbar bad la phah biang sha u Lat ka jylla na ka bynta ban ioh ia ka jingmynjur.
Haba ia dei bad katei ka Bill kaba la passed da ka iing dorbar jong ka KHADC, la pynphai noh sha ka iing dorbar ha dien ba la bishar bniah ia kane ka bill namar la shem ba ki don ki jingduna bad kane ka bill ka long sha bar jong ka bor jong ka District Council kumba la kdew da ka tnad kam poh iing jong ka Ri India ba dei peit ia ka North East Division.
Katkum ki bor kiba la pynkup hapoh jong ka Sixth Schedule jong k riti synshar jong ka Ri India kane ka Khasi Hills Autonomous District (Village Adminstration Bill) 2014 ka long sha bar jong ka bor jong ka Sixth Schedule hapoh ka Paragraph 3(1)(e),(f),(g). Kumba ka District ka dei ban peit bniah haba shna ia ka Village Admistration ha ki por ban sa wan ba ka dei ban long katkum ki kyndon jong ka Sixth Schedule.
La ong u Lat ha ka shishti kaba la phah sha ka KHADC haba pynphai biang ia ka VAB sha ka District Council.
