Pynrem jur ka AJYWO halor ka jingshah pyniap ka Ebamon Siangshai

Khliehriat, Lber, 16: Ka seng All Jaiñtia Youth Welfare Organisation, East Jaintia Zone, ka la pynrem jur haduh katta katta halor ka jingshah pyniap dusmon sa kawei ka khynnah skul bapli, kata ka (L) Ebamon Siangshai, kaba dang pule Klass X, ha ka skul, Wapungskur Higher Secondary School, Wapung, kaba na ka shnong Pamrakmai, East Jiantia Hills, ha ki riew thrang snam dang ha kine ki khyndiat sngi ba la dep, ha kaba ia ka met iap jong ka la lap na kawei ka khlaw, ha 2 Kilo, Dkhiah East, East Jaintia Hills, ha ka 13 tarik janmiet mynta u bnai.

Ka AJYWO East Jaiñtia Zone, ha ryngkat ka jingsngewsih kthang, ka pynrem jur haduh katta katta ia ki riew thrang snam ki bym don jingmap shuh wat ia ka khynnah skul bapli kaba dang lui lui, dang 16 snem ka rta, ha kaba ia ka jingim jong ka la shu shim jubor.

“Ka seng ka pynpaw ruh, ia ka jingsngew khia kaba jur haduh katta, halor ka jingbym long shngaiñ shuh ka leit ka wan jong ki khynnah skul kynthei bapli ha kine ki sngi ba mynta ha East Jaintia Hills. Kane jinglong jingman kaba mynta, ka la ktah shikatdei eh ia ka jingsngew jong ki khynnah skul kynthei bad jong ki longkmie longkpa,” ong u Heatermoon Ryngkhlem, President, AJYWO East Jaiñtia Zone.

Dang ha kine ki khyndiat bnai ba la dep ruh, kata mynshem snem, kaba kum kane ka juh ka jingjia ba shyrkhei ka la jia ha ki thaiñ Sohkymphor, East Jaintia Hills ia iwei i khynnah skul kynthei bapli, iba dang pule Klass IX, ha ka skul, Tia Chaphrang Higher Secongdary School, Sohkymphor. “Lada kumne beit kiba kum kine ki jingjia ba shyrkhei kin iai jia nangne sha khmat ruh, te ha ei kata ka jingshngaiñ bad ka lawei jong ki para kynthei ba dang lui lui jong ngi?” Buh jingkylli u Bah Heatermoon Ryngkhlem.

Ka AJYWO East Jaiñtia Zone, lyngba une u kyrwoh, ka kyntu jur ia ki bor jong ka aiñ, ban trei shitom ha ka ban thwet bad kem ia kitei ki runar kiba la shim ia ka jingim jong ka (L) Ebamon Siangshai bad ruh ban pynshitom ia ki da kaba tyngeh bha khnang ba kan long ka jingsneng ia kiba kum kitei ki runar, ba kim dei shuh ban leh ia kaba kum kane ka jait kam mrad khlaw, lym kumta, ki khynnah skul kynthei bapli ha East Jaintia Hills kin sa don hapdeng ka jingsyier kaba khraw ha ka leit ka wan bad khamtam eh haba leit skul.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet