Pynrem jur ka HYC ia ki riew shimet na ka jaidbynriew Bengali ba pyniashrut jaidbynriew

Shillong, Risaw 24: Ka  Hynniewtrep Youths’ Council , Seng kmie ka pynpaw ia ka jingbitar kaba jur halor ka jingkynthoh bad jingbyrngem jong ki Riewshimet bad ki Seng bapher bapher kiba dei na ka Jaidbynriew Bengali ia ka Jaidbynriew ha kine ki sngi kiba bun hi kidei kiba na shabar ka Jylla.

Ka Seng ka sngew ban pynpaw ba ha kaba nyngkong eh kine ki briew kim dei ban klet ia ka jingjia ha Ichamati, Elaka Mawlong ha ka 28 tarik u Rymphang Jong une u Snem ba mynta ba ki briew kiba dei ki Khar Benglai ki lah mih da u shnong ban shoh ban dat haka lah duhnoh wat ia ka mynsiem ba kordor Jong uwei u dkhot Jong ka Jaidbynriew u Bah Lurshai Hynniewta.

Ki dur bad ki Video kiba lah saphriang kylleng halor katei jingjia ha Katei ka sngi ki paw shynna ba mano kiba pynkulmar bad kiba leh beain. Watla da ki spah ngut ki briew kiba don bynta ha Katei ka jingjia ki lah paw tyngkrein kiba rah ia ki wait ki sum ki nar bad kiwei kiwei ki tiar pynmynsaw, hynrei ym baroh na kine ki la shah kem haduh mynta ha ka jingshisha tang 8 ngut ba shah Kem.

Ka Seng ka pynkynmaw ia kine ki seng jong ki Bengali bed ki riewshimet na bar Jylla  ba kim dei ban tuklar ia ki kam pohing Jong ka Jylla namar kim tip ia ka sdang ka kut Jong kiei kiei. Hapoh ka Jylla ka Jong ngi haduh mynta kam pat ju don kano kano ka jingujor pyrshah leh donbor ia kino kino ki rit paid ha ka niam.

Ka Seng ka pynpaw ba kine ki jingpynkhih shnong Jong ki Bengali na Assam bad West Bengal ka lah ban dei namar ki Assembly Election  ki ban sa long shen ha kine ki Jylla. Ka seng ka buh ka jingmaham ba Kim dei ban milai jaktung ia ka Kam pohing  ka jylla Meghalaya bad ka election Jong ki.

Lada ki kwah ban leh politik ia kane ka kam da kaba wanrah ia ka jingsngewpher niam ne Jaidbynriew kidei ban kiar na kaba mushlia la ka kam hynrei kidei ban pynbeit jingmut hapoh ki Jylla la jong.

Ka Jaidbynriew Hynniewtrep Kam pat klet ba dei ki Bengali bad ki Non Tribal kiba la pynthud ia ka Jaidbynriew Hynniewtrep naduh u snem 1947 Ter Ter , ki la pynthud ia ka Khasi National Making Dorbar , ki la pyrshah ban ioh Jylla ki riewlum , ki dawa Union Territory ia ka Shillong ban lait na ka Jylla Meghalaya.

Kila ia Khun mukotduma ban pynduh ia ka Trading by Non Tribal Regulation shaduh Supreme Court, ki la pyrshah doh iap ia ka Meghalaya Land Transfer Act bad ngi tip Shai ba dei kine ki ba pynthud na ka por Sha por ia ka Jing dawa ILP bad ki wei ki Ain iada Ri ha ka Jylla Meghalaya .

Ka Seng ka pynrem jur ruh ia u Tathagata Roy ia ka jingkren lap lah Jong u ha kine ki sngi kiba pynpaw ba  imat une u briew u Kren kat Shaba lap ba Shem bad lehse u don jingduna ha ka jingmut jingpyrkhat jong u . Ka HYC kyntu ia u Tathagata Roy ba un sngap noh , um dei shuh ban kren ia ki kam ka Jaidbynriew Hynniewtrep ne Jong ka Jylla namar ioh lehse u lah klet ba um dei shuh u Lat la Jylla.

Ka Seng ka Maham jur ia ka Seng buaid Niam ka LRO ba Kim dei ban sdang ka jingkynshoit ia pher Niam ha ka Jylla ne ka Ri India hi baroh kawei. Ka jingkren tohmet Jong kane ka Seng buaid Niam ia ka Balang Presbyterian ka long kaba ngim lah ban pdiang bad pynrem jur.

Ka HYC ka kyntu ia ki pulit ban Kem mardor ia kine ki nongialam bad ki dkhot ka LRO halor ka Jing kynthoh ia ka Balang Presbyterian bad ka Jing pyrshang Jong ki ban pynmih ka thma niam ha ka Jylla bad India hi baroh kawei.

Ka Seng ka pynrem bad pyrshah ruh ia ka Sushmita Dev kaba long ka heh Jong ka Mahila Congress halor ka jingkynnoh ba khlem nongrim ka jong ka pyrshah ia ka Jaidbynriew.

Kane ka briew ka shu kwah ban leh politik namar ka election Assembly Assam. Ka HYC ka maham ia ka ba kam dei ban mushlia than ia ki kam pohing ki jong ngi bad kadei ban pynbeit jingmut ia ka Jylla, la ong u Bah Robertjune Kharjahrin President bad Bah Roykupar Synrem general secrtary ka seng HYC ha ka kyrwoh.

What Next?

Recent Articles

Leave a Reply

Submit Comment

*