Shillong, Naitung 10: Da ka jingsngewkhia kaba jur ka ka KHNAM State Youth Wing ka pynrem jur ia ka jingshah pyniap jong ka khynnah kaba dang 14 snem kaba la shah shoh bad pynmynsaw. Ka seng ka phah ka jingsngewlem sha kiba ha iing ha sem. Na ka por sha ka por kine ki kam pyrshah ia ki khynnah ki khyllung ka la nangkiew ha ka jylla jong ngi, wat hadien ba ngi la sakhi ia ki jingpyrshah na baroh ki liang, hynrei balei pat ba kine ki kam pohjait kim duna lane duh jait syndon. Sa katno tylli ki mynsiem ba lui lui ngin duh ei ha kti ki riew shim kabu.
Na ka bynta ka bha ka miat jong ka im lang ka sahlang ka seng ka sngewdei ban ai jingmut ia ka sorkar jylla bad ia u Myntri Rangbah ka jylla ba ladei ban taw noh da ka special committee ka ban kynthup ia ki seng, ki longkmie bad kiwei kiwei khnang ba ngin lah ban pyrkhat ia ka lad ka lynti ban rat diengkhong ia kine ka kam kaba la pynhiar dor ia ka jylla ka jong ngi. Haba ngi iohi ia kine ki jingjia la sngewdei ban ong ba kane kadei ka issue kaba hakhmat tam jong ngi lang baroh ia kaba ka sorkar kadei ban shimkhia mardor.
