Pynrem jur ka seng HYC Lawsohtun ia kiba pyniap ia u Rangbah Hapish Nongbri na Malki

Shillong, Jylliew 23: Ka HYC Lawsohtun Unit ka pynrem jur ia ki riewsniew bad riew thrang snam ki bym don shuh ka mynsiem iatip lem halor ka jingshah pyniap u rangbah Hapish Nongbri uba dei ruh u nongniah taksi ha kine ki sngi ba lahdep.

Na ka liang jong ka Seng ka kyntu jur ki ki bor ka ain ba kidei ban shim ki lad ki lynti ban pynshitom jur katkum ki kyndon jong ka ain ia baroh kiba don kti ha kane ka kam beain bad kumjuh ruh ban wad ia kiwei pat kiba don kti ha kane ka kam ki bym pat shahkem haduh mynta.

Ka Seng ka kyntu ia ki bor pulit ba kin tohkit bniah halor kane ka jingjia ban tip ia ki daw kiba tikna kaba lah pynlong ia kine ki riewsniew haduh ban shim noh ia ka jingim jong utei u Rangbah bad ruh ka seng ka kyntu ia ka Sorkar bad ia ki nongmihkhmat ba kin thaw ia ki lad ki lynti ban iada ia ka jingim ki nongshongshnong ka Jylla na kum kine ki jingjia kiba lah wan jyllei hangne ha Ri jong ngi.

Ka seng ka phah ruh ia ka khubor sngewlem sha ki bahaing ha sem jong utei u Rangbah kiba lahduh noh ia u kpa ka Ing  bad u bahaing hasem jong ki lyngba kane ka jingjia ba sngewtriem. Ngi duwai kyrpad ba u Blei Nongbuh Nongthaw un don ryngkat bad ki ha kum kane ka por ba ki mad ia kane ka jingjia ha ing ha sem.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet