Pynrem jur ki seng bhalang ka South Garo Hills ia ki lehnoh kiba la siat iap ia u Olgate

Shillong, Nailar 02: Ki seng bhalang bad ki riew paidbah jong ka South Garo Hills District mynta ka sngi kila pynrem jur ia ka jingsiat iap jong ki lehnoh ia u Olgate R Marak mynta ka sngi ha Iew Bambuk ha ka por dang step phyrngap.

Ha ka khubor kaba la phah da ki seng bhalang na South Garo Hills kila pynrem jur ia kane ka jingleh ki lehnoh ban shim noh ia ka jingim briew kiba lui lui, kum ka dak jong ka jingpyrshah ia kane ka jingshah siat iap jong u tei u rangbah ki seng bhalang baroh kin pynlong ia ka jingiaid paidbah ka phra tarik mynta u bnai ha Baghmara ha ka por 11.00 baje mynstep.

Katkum ki thymmei khubor la ong ba kine ki lehnoh kiba la kieng atiar ki la leit sha iing sah jong u Olgate ha ka por miet bad sei ia u na iing bad patan ia u sha iew Bambuk ba sait iap ia u ha katei ka jaka.

What Next?

Recent Articles

Leave a Reply

Submit Comment
*