Shillong, Nohprah 14: U bah Robertjune Kharjahrin, u la ong ba ka jingiaid paidbah mynin ka sngi ka long ban long kaba jai jai, hynrei kila don katto kane ki riew shim kabu ban pynklumar, ha ka juh ka por na ka liang jong ki pulit ruh kila leh donbor palat.
Na ka liang jong ka COMSO, ka pynrem jur ia kito ki riew shim kabu ban pynklumar ia ka jingiaid paidbah kaba jai jai mynin ka sngi bad kum juh ki pulit kiba la leh donbor ha kaba tem ia ka jingklumar mynin ka sngi.
Na ka liang jong ka COMSO ka ai khublei ia baroh ki doctor ki nurse kiba la trei shitom ban sumar ia kiba mynsaw. Ha ka juh ka por na ka liang jong ka ai ka jingkular ba kane ka jingiakhih kan nym sep ei.
Haba ia dei bad ka rai jong ka sorkar ban pynlong ia ka dorbar kaba kyrpang ban shim ia ka rai ban pyntrei kam ia ka ILP ha kane ka jylla, ka COMSO ka kyntu ia baroh ki MLA ba kin kren tang kawei ka sur ban kyrshan ia ka Rai kaba kin sa shim ha ka dorbar ba kyrpang.
U bah Robertjune Kharjahrin, u la ong ba u kyntu ia u nongialam ka liang pyrshah ba u Dr Mukul Sangma u ba pyrshah ia ka ILP bad u ba dang pyrshah haduh mynta, na ka liang jong u dr Mukul u dei ban kynmaw ba u dei na jaid bynriew Achick.
U Chairman jong ka COMSO ong ba ha dien ba ka iing dorbar kala pdiang ia ka rai ban pyntrei kam kan bha ba baroh 60 ngut ki MLA ki dei ban leit lang sha Delhi ban dawa ban pyntrei kam ia ka ILP ha kane ka jylla.
