Shillong, Naiwieng 04: Ka HYC Shillong city ka pynrem jur ia ka seng ki nongdie madan Meghalaya Greater Shillong Progressive Hawkers & Street Vendors Association. (MGSPH & SVA) kaba la le
it tur matlah, khlem sngewthuh ia ka duh ka dang mynne ka 4 tarik Naiwieng 2019 ha KHADC, tang na bynta ka jingioh nong shimet jongno re jongno.
Katkum ka jingtip jong ka seng, kine ki briew hi, ki sdang duh thiah duh dem naduh ba ka KHADC lyngba ka tnad trade ka la kyndang ia ki bar jylla kiba khaii khlem lisence ha ki thain GS Road.
Ha jingiohi jong ka seng, kane ka jingleh ka KHADC, ka la plie lad ia ki nongdie jingdie madan trai muluk, bad ka la khanglad ia kito ki bar jylla ki bym ju apply trading lisence ne ki bym ju ithuh ia ka KHADC da ki phew snem.
Ka Seng ka kwah ban pynshai ha kito ki nongshong dukan kiba ialeit lang mynne, ba katkum ka point No 4 jong ka jingdawa katei ka Association ka long ban dawa ai laisen sha ki bar jylla.
Hato phi ki nongshong iew kiba long ki para doh para snam jong ngi, phi la iabit iabiang haduh katno, ban pynlong ia phi, ban leit kyrpad ai trading lisence sa sha u bar jylla ? Lada phi shah ialam bakla ngi sngew ban ong ka por ka dang don ia phi ban kylla thiah kylla dem, hynrei lada kadei ka mon lajong, to tip ba ka khana puriskam ba ri ia u bsein, uba ynda u la syaid u puh kylla, kan sa wan jia ha phi.
Ha kaba iadei bad ka Jing ai form ka KHADC ban Lum jingtip ia ki nongkhaii khasi , ka seng ka sngew ka long kaba dei. Namar Kan iarap ia ki nongdie madan khasi ban pynskhem ia ka jingioh khaii Jong ki khnang ba ki bsa pyndap ia ka ing, kin Lait ka shah knieh jaka ha ki dkhar bad ban rat dyngkhong ia ka Benami.
Ka seng kam lah khlem da pyrto bad ai mynsiem ia ki pulit enforcement jong ka KHADC khamtam ia u EM i/c trade bad ia u CEM ba phi la shim ia kane ka kamram, kaba ngi kum ka jaidbynriew ngi la khmih lynti la slem bah.
Ngi kyntu ia ka KHADC ba phin nym dei ban pyndem ha kine ki khwan myntoi, kiba thmu ban bam duh ia ka Jaidbynriew jong ngi tang na ka myntoi ma lade jong ki. Ong u Bah John Lyngdoh President ka HYC Shillong City.
Mynta ka sngi ki nongdie madan hapoh ka jingialam jong ka kong Angela Ryngad kila leit sha KHADC bad kila ai ruh ia ka jingthoh sha U CEM jong ka KHADC ban pynpaw ia ka jingsngew ka jong ki halor ka jingkhynra trading laisen jong ka KHADC ia ki bar jylla kiba die madan.
