Shillong, Nailar 02: Ka seng HYC Riwar mih nhi ka Pynrem jur ia ka jingbym leh eiei ki shipai BSF ha Dawki mynta ka sngi ia ki jingwan ki briew ka Bangladesh ha duh khmat wah ka Wah Dawki mynta ka sngi.
Ha ka kyrwoh ba la phah da u President ka seng u Samla Edmund K. Khongngai u la pynrem jur jingleh sting ka ki BSF kiba dei ki shipai iada khampud jong ka Ri India kumjuh ia ka sorkar jylla kaba la leh sting shaba palat khlem da shimkhia ha kum kane ka por namar une u jingpang Corona Virus uba baroh baroh ki paidbah ka jylla ki sheptieng bad ki kiar ha ka ban ialum briew ne ban leit sha iew sha hat namar ka jingpyrkhing ka sorkar.
U ne u Nongialam u la ong ba kumno ki BSF bad ka sorkar jylla kim lah ban iada na ka jingwan ki khar bangla mynta ka sngi ha khmat ka Wah Dawki ha kaba kane ka jaka kaba ki briew na ka thaiñ Dawki bad na ka Thain Riwar ki ju leit sum leit saiñ jaiñ ha kane ka jaka. Bad kine ki khar bangla ki wanla kumba 200 ngut eie khlem pyndonkam Mask bad kumjuh ki social distancing ki la ieng bad ia lum shi kynhun ha juh ka jaka kaba dei syndah bad ki jaka ba ju sum ju siat ki paidbah.
U samla Edmund K Khongngai u la kyrpad ia ki BSF khamtam ia ka sorkar ba kan shimkhia ban iada ia ki paidabh ka Riwar namar ngi iohi ba kine ki khar bangla ki mut ban wanrah jingpang sha kane ka ri war jong ngi lynba une u virus.
