Pynrem ki seng bhalang na Garo Hills ia u Conrad ba thmu ai Work Permit ia ki khar Bangladesh

Shillong, Iaiong 06: Ki seng bhalang na Garo Hills kila pynpaw ia ka jingsngewkhia ka jong kiha kaba ia dei bad ka jingkwah jong u myntri rangbah ka jylla u Conrad K Sangma ban ai Work Permit ia ki khar Bangladesh ban wan trei sha Meghalaya.

U Dalseng Bira Ch. Momin president jong ka seng ADE, haka kyrwoh kaba u la phah mynta ka sngi u la ong ba ki seng bhalang haba ki iohi ia kane ka jingkwah jong u myntri rangbah ban ai work permit ia ki khar Bangladesh ka la pynkyndit ia ki, namar ki seng bhalang baroh ki dang ia ieng tylli kawei ban dawa na ka sorkar ban khanglad ia ka jingwan rung tuh jong ki mynder ri sha kane ka jylla.

Kane ka jingai jingmut jong u myntri rangbah ka jylla ban ai Work Permit sha ki khar Bangladesh ka long mar pyrshah ia kaei kaba ki dawa ban pyntrei kam ia ka Inner Line Permit ha kane ka jylla. La ong ba ka sorkar kaba la leit kala kular ia ki seng bhalang ba kan pyntrei kam ia kita ki lad jingiada ban pyrkhing ia ki briew ban rung sha kane ka jylla da kaba buh ia ki khyrdop ia kaba ym shym la lah ban pyntrei kam haduh kine ki sngi.

Ki seng bhalang na Garo Hills ki, pynpaw ba ha ka jaka ba ka sorkar kna pynkhlian ban khanglad ia ka jingwan jong ki mynder Ri sha kane ka jylla kane ka sokar kaba la ialam da u Conrad k Sangma ka khot pynban ia ki briew kiba na bar ba kin wan trei sha kane ka jylla Meghalaya. Na ka liang jong ki seng bhalang na Garo Hills pynrem jur ia kane ka ong ban khot ia ki briew kiba na bar ri ban wan trei sha kane ka jylla Meghalaya kum ki seng bhalang kim kwah ban pynlong ia ka jylla sa ka wei ka ka jylla Tripura.

Kane ka long ka jingma mynta ha kaba ki khar Bangladesh ki shem ba ka dong shatei lam mih ngi jong ka Ri India ka dei ka bneng na ka bynta jong ki ban ioh ia ka jaka rieh, naka liang jong ki seng bhalang na Garo Hills kila kdew ba 1.29 klur ngut ki khar Bangladesh kila sakma ha dien ba kila rung sha NE ryngkat ki kot ki sla kiba biang.

Na ka liang jong ki seng bhalang na Garo Hills, ki kdew ba ki khar Bangladesh ha dien ba kila rung sha India ryngkat ki kot ki sla ki ialeh ban pynslem ban shong ha India bad ki ialeh ban ioh shong kurim ia ki khyntei na ka thain bad ha dien ba kila shong kurom kala eh ia ki ban beh. Ban lait na ka jingiakhih ka sorkar ka dei ban pyrkhat thymmai ban weng noh ia kane ka jingthmu ban ai work permit ia ki Khar Bangladesh, ong u Dalseng Bira Ch. Momin president ka seng ADE. Ha ka khubor kaba la phah mynta ka sngi.

 

What Next?

Recent Articles

Leave a Reply

Submit Comment
*