Shillong, Lber 09: U myntri ba dei peit ia ki kam bor ding u bah Sngewbhalang Dhar haba jubab ia ka jingkylli jong u Dr Jemino Mawthoh ha kaba ia dei bad ka jingpynsah bai light ka sorkar bad ka jingbym siew jong ki riew paidbah, u myntri u la iathuh hapoh ka iing dorbar ba ka bai light ba ka MePDCL ka dei ban siew ka long T,527.07 klur shaki san tylli ki company pynmih bor ding eletrik.
Ka bai light kaba sah ka long ba sha ka North Eastern Electrical Power Corporation Ltd (NEEPCO ka long T.341.13 klur, sha ka National Hydro Electrical Power Corporation (NHPL) ka long T.32.18 klur, sha ka National Thermal Power Corporation (NTPC) ka long T.81.97 klur, sha ka ONGC Tripura Power Company Ltd ka long 35.51 klur bad sha ka Power Grid Corporation India Ltd (PGCIL) ka long T. 36.28 klur. Kane ka long haduh 02 tarik mynta u bnai.
Ka jingsiew jong ka MePDCL sha ki company naduh ka 1th Iaiong 2016 haduh mynta pat ka long, sha ka North Eastern Electrical Power Corporation Ltd (NEEPCO ka long T.325 klur, National Thermal Power Corporation (NTPC) ka long T.9.39 klur, sha ka ONGC Tripura Power Company Ltd ka long T. 108.70 klur bad sha ka Power Grid Corporation India Ltd (PGCIL) ka long T. 102.61 klur baroh ka jingsniew kala poi sha ka T.545.70 klur.
Na ka liang jong u myntri u la ong ba ka jingbym lah ban siew ia ka bailight ha ka por kaba biang ka long bay m shym la lah ban shim ia ka bai light na ki briew ha ka por kaba biang bad kane kala pynlong ia ka MePDCL ban nym lah ban siew ia ka bai light sha ki company ba supply ia ka light.
Haba la kylli haba ia dei bad ki company ba pynsah bai light na ka liang jongu myntri u la iathuh ba ki company kiba pynsah ia ka bai light ki long ka Sai Prakash T.35 klur, CMJ Breweries T.1.2 klur, Bomber Cement T. 0.23 klur, RNB Carbide T.4.5 klur, MCCL T.18 klur bad ka JDU Cement T.0.22 klur baroh tang na kine ki hynriew tylli ki company kala kot sha ka T.59.15 klur.
