Khliehriat, Naitung 25: Ka Khasi Students’ Union Jaintia Hills District kala leit ia kynduh kyrpang ia u DC East Jaintia Hills District bah F.M.Doph ha ka jing iadei bad ka jingthmu jong ka Company Star Cement pvt Ltd, Lumshnong ban pynrung Aadhar Card ia baroh ki bar jylla ba trei ha kitei ki jaka ka ban sdang naduh ka 25 –26 mynta u bnai.
Ka KSU JHDU mynta ka sngi hapoh ka jingialam jong u Ohibait Dkhar President bad u Leningrad Tariang organizing Secretary u samla Streamly S Niangti chairman Employment cell bad kiwei ki dkhot kila leit ban jurip da lade ha kane ka jaka ba ki thmu ban pynrung Aadhar bad la lap ba da ka jingtreishitom bad shim khia jong u tei u officer u ba dei u khlieh jong kane District la la pynpep ia Katei ka jingthmu bad suhbuit sop sop Jong ki bad ki Agency pynrung Aadhar .
“Ka jingai Residential da ki Kompeni shimet Ia ki barjylla nongtrei ba kynthup ia kito ki bym rung hapoh NRC jong ka jylla Assam ka plie lad ia ki ban plie Bank account bad ban ioh PAN card. Ka don ka jingsuhbuit ba napoh jong kine ki jaidbriew wat ban ioh kiwei ki kot ki sla kum Driving license napoh Meghalaya kaba buh ha ka jingma bakhraw ia ka jaidbynriew ba rit paid bad bym iatylli jong ngi.
Kane ka jingkhanglad ban pyndam ia Kane ka jingpynrung kyrteng ban ioh Aadhar ruh ka long ha Kane ka jingmut ba kin ym ioh long kita ki nong India Da ki lynti lamler ” , la kren u Ohibait Dkhar
“Lada ki kwah ban ioh Aadhar card , balei Kim leit aplai hi sha jaka lajong ? Balei kine ki Kompeni shimet ki iasuhbuit ban pynrung jubor ia kine ki suba ha ka thup kum ki nong India ? Ngim lah ban ia pein ia ka jinglong traishnong Jong ngi da ka jingailad ia kine ki agency ban pynrung ia kine ki Mynder ” , la kren I samla Leningrad Tariang (Org secy).
Ka Seng ka ai ia ka jingiaroh ia u DC uba la hukum ruh ba ki private agency Kim dei ban pynrung Aadhar klumar ia ki briew bym tikna ha kine ki kompeni bad shawei ruh. Ka seng ka iaroh ruh ia ka jingstad bad jingshemphang ban treikam jong u ne u DC ba mynta ngi iohi ba u la lah ban wanrah ia ka shongsuk shongsain hapoh kane ka District ha ka jingiadei bad kane ka kam pynrung Aadhar Card ia ki bar jylla.
K a seng da kane ka khubor ka la maham bad pyrshah jur sa ia kiwei de ki company pynmih dewbilat kiba don ia kane ka juh ka jingthmu ban pynlong trai ri jubor ia uno uno u bar jylla u ba wan trei hapoh ki company ba pher ba pher kiba don hapoh East Jaintia Hills District,te lada jia ba ki ialeh pyrshah ka seng hi kan nym hun tang ban shu peit kai khlem da leh ei ei.
Kyrwoh na u. Ha ka juh ka por ka Seng ka buh ka jingmaham ia ki Dakhar ba Shim jaid Hynñiewtrep (Khasi/Pnar) bad ka Seng ka pan ia ka jingkyrshan ban iatrei lang bad ki Trai Mukul halor Kane ka Kam.
