Shillong, Lber 22: Mynta ka sngi u bah T R Laloo controller examination jong ka Meghalaya Board of School Education u la pynmih ia ka jingpynbna ba katkum ka jingbthah jong ka tnad pule jong ka sorkar ba ia ki eksamin kiba dang sah la pynsangeh shuwa haduh ban da pynbna da kumwei pat.
Ha ka jingpynbna kaba la pynmih mynta ka sngi u Controller examination jong ka MBOSE, la leh ia kane da ka jingthmu ban iada ia ki khynnah pule ha kaba ia dei bad u khniang jongpang COVID-19.
Ia ki subjek kiba dang sah kiba dei jong ka HSSLC kiba la buh ban long ha ka 23, 24 bad 25 tarik mynta u bnai la pynsangeh noh kat haduh ban da pynbna da kumwei pat. Kane kan long na ka bynta kiwei kiwei ki kam ruh kiba ia dei bad ka eksamin la pynsangeh.
