Shillong, Iaiong 19: Mynta ka sngi ka seng HITO kala leit ban ia kynduh ia u GHP Raju Principal Secretary jong ka jylla ba dei peit ia ka tnad ri jingri ban ia kren halor ka jingeh kaba ki kam otdoh masi ha kane ka jylla Meghalaya kaba la wanrah ia ka jingkiew dor ka doh Masi ha kane ka jylla.
Ha kren ha ki lat pathai khubor ha dien ka jingiakren bad u Raju, u bah Donbok Dkhar la ong ba ha kane ka jingiakren na ka liang jong u tei u ophsiar jong ka sorkar Meghalaya la ong ba ka jylla kan sa don noh ia ka ain otdoh masi ha bnai jymmang ka jingpynkhreh ia kane ka ain kala iaid sha khmat.
Ha kane ka jingiakynduh kila ai ruh ia ka jingthoh ha kaba ia dei bad ka jingkhaii beain ia ki maswi bad ki muid na kane ka jylla sha Bangladesh ia kaba ka seng dangshen kala ioh bat ha Mawryngkeng.
Ki kali kaba kila ioh bat ki don ia ki kot ki sla kiba biang bad ia ki muid bad ki masi bala wan kit na Assam yn phah sha Jaintia Hills, ka seng kala pynpaw hakhmat jong u Raju ba ka long kaba lyngngoh ba kine ki masi ki muid ki poi sha Bangladesh.
Na ka liang jong ka seng HITO ka kyntu ia ki nongkhaii Masi kiba la ioh ia ki kot ki sla kiba biang kim sei shuh ban siew sha ki dalal lada ki don ki dalal ba pan pisa ki dei ban pyntip sha ki tnad pulit ban leh ia kaba don kam.
Na ka liang jong u President ka HITO Mawryngkneng Unit kiba la ioh ban bat ia ki kali kit masi muid kiba don ia ki kot ki sla kiba biang ba kito ki trai masi ne muid bad trai kali kim dei shuh ban siew iano iano lada don kiba pisa pyntip sha ki bor jong ka ain.
