Pynshai ka MLCU ha R.B. Anoopchand HSS Keating Road ia ka jingsniew na ka thang pataka

Shillong, Risaw 10: Ka tnad pule ba dei peit ia ka mariang jong ka Martin Luther Christian University, Shillong kala pynlong ia ka jingpynshai halor ka jingsniew kaba mih na ka jingthang pataka, ia kane la pynlong ha R.B. Anoopchand Hindi Secondary Schools, Keating Road, Shillong bad ha Jail Road Boys’ Higher Secondary School, Jail Road, Shillong.

Kane ka jinghikai ka long ban pynsngewthuh sha ki briew ia ka jingsniew kaba mih na ka jingthang pataka kaba ktah ia ka koit ka khiah bad kum juh ia ka mariang bad kumba ka long mynta ka jinghikai ia ki briew halor ka jingsniew jong ka jingthang pataka ka long ha ka bynta jong ka jingpule jong ka UGC ia kaba la bethah da ka iing bishar ba ha khlieh duh jogn ka Ri.

Ha kane ka jingpynshai paidbah na ka liang jong ka MLCU kala batai ia ka jingsdang jong ka jingthang pataka kaba la iaid mynta la palat spah snem bad kumno ka wanrah ia ka jingjabah ha ka lyer kumba kala long ha nongbah Delhi ha u snem ba la dep bad kane kala pynlong ia ka iing bishar ba kan buh ia ki kyndon ha kaba die ki pataka mynta u snem. Ha kane ka sngi la pynlong ruh ia ka jingiakop jingkyntip ha kaba ia dei bad kane ka phang.

What Next?

Recent Articles

Leave a Reply

Submit Comment
*