Shillong, Iaiong 16: ka ophis jong u Deputy Commissioner jong ka West Khasi Hills District mynta ka sngi kala sam ia ki kot lyngkdop sha ki paidbah ban pynshai kumno ban leh ia ka met iap lada khlad na u COVID-19 bad kine ki jingpynshai kaba la thoh ryntih ki long haduh 12 tylli.
Ki khar ar tylli ki jinghikai kiba la pynmih na ka ophis jong Deputy Commissioner ka West Khasi Hills District mynta ka sngi na ka liang jong u SP News Agency kala pynmih kumba ka long.
- Namar ba u dang dei u ba thymmai dei ban tip kumno ban pynkhuid ia ka met iap.
- Kane ka jingbatai ka long katkum ka Epidemiological knowledge ia u COVID-19. Ha India ki don ka jingialeit ia wan ba mynshuwa bad ka jingiabit na kiba pang COVID-19. Ha kum kane ka por baroh kiba shah tharai bad bala pynthikna ia ka case la pynkyrpang ia ki na kiba koit ba khiah, te kane ka long ka jingbatai ban leh kumno ia kiba khlad namar une u jingpang ha ki Hospital.
- kam don jingma ei ei ia ki nongtrei ka koit ka khiah lane kiba ha iing ha sem lada ki but ryntih ia ki jingbthah (Standard Precautions) ha ka por ba ki pyndep bad ki pynbit pynbiang ia ka met iap.
- Ia ka met iap dei ban sop lypa ha ka pla ba la shna kyrpang khnang ban lait na ka jingma.
- Ki briew kiba hap ban pynkhuid ia ka met iap ki hap ban deng da ki mask bad ki gloves bad ki sopti jingiada kiba la ai na ka sorkar, ka kali ba kit ia ka met iap dei ban synreit dawai kumba shi percent u Sodium hypochlorite.
- Ha lum jingtep ne jaka thang ba u COVID-19 um buh jingma shuh ha dien ba la bud ryntih ia ki jingbthah. Ki nongtrei ha dien ba la dep ban pynkhuid ia ka met ki dei ban sait bha ki kti lehkhuid bha ia lade katkum ki jingbthah na ka tnad ka koit ka khiah.
- Lada don kam ban peit ne jngoh khatduh ia ka met iap dei ban plied ia u sip da ki nongtrei ka koit ka khiah ban iohi khatduh kiba ha iing ha sem.
- ka jinglehniam leh rukom kum ka jingpule ia ka jingthoh bakhuid, jingsynreit um
Bakhuid la shah ban leh da kaba pynjngai ia lade na ka met iap.
- Ym shah da lei lei ruh ban pynsum khatduh da kiba ieit ba thoin ka jingkdup bad kano kano ban ktah ia ka met iap.
- Ha dien ba la wan phai na lum jingtep na jaka thang kiba ha iing ha sem bad ki nongtrei jong ka sorkar ki dei ban lehkhuid kyrpang ia lade shimet kum ka lad jigniada ba pura.
- Lah ban shim ia u depei ban leh niam tang ba hap ban leh kyrpang thik tang ia kaba don kam.
- Ka jingialum paidbah ha lum jingtep na jaka thang dei ban kiar katba lah ka jingiaieng jngai iwei na iwei wat hapdeng shiing shisem ruh dei ban but ryntih bha.
Kitei ha neng ki long ki khat ar tylli ki phang kiba ka ophis jong u Deputy Commissioner jong ka West Khasi Hills District kala pynmih paidbah mynta ka sngi ban iatip paidbah. Na ka liang jong u Bah T Lyngwa u la ong ba ka dei ka jingshisha ba la pynmih na ka ophis jong u DC mynta ka sngi.
