New Delhi, Iaiong 25: Ka tnad kam poh iing ka sorkar pdeng mynnin ka sngi thohdieng kala pynmih ia ka hukum ha dien ba la pynkylla ia ki ki kyndon kiba la phah mynshuwa ha kaba ia dei bad kane ka jingkhang ban shah ban plie ia ki dukan.
Kane ka hukum kaba la pynmih thymmai ka long ha ki nongkyndong baroh ki dukan lah ban plie laitnoh ha ki shoping mall, ha ki jaka sor pat la shah ia ki dukan ban lie ki long marwei bad ki dukan kiba don ha ki jaka sah briew la shah ia ki ban plie hynrei ia ki dukan ha ki iew bad ki shongping mall dei ban dang khang.
La pynshai shuh shuh da ka tnad kam poh iing ba la shah ia ki e-commerce ba kin trei kam tang kito kiba ia dei bad ki mar kiba don kam. Haba ia dei bad ki dukan kyiad yn dang betng ban khang kane ka long katkum ka kyndon jong ka jingbthah na ka sorkar pdeng ha kaba ia ialeh ban khang ia ka jingsaphriqang u COVID-19.
Ha ka jingwanrah ia ka jingpynkylla ia ki kyndon ha kaba ia dei bad ka jingplie ia ki dukan la ki long ha nongkyndong ne ha ki jaka sor kitei ki dukan kiba la kdew haneng ki dang dei ban khang khamtam eh ha kito ki jaka kiba la niew kum ki jaka ba dang don kane ka jingpang “containment zones” la ha ki jylla bad ki Union Territory.
