Shillong, Iaiong 29: U Bah Prestone Tynsong Symbut Myntri Rangbah ka jylla mynta ka sngi u la pynshai ba ia ka baikit ia u khaw ration la siew da ka sorkar lada don kiba shim ka sorkar kan pynshitom katkum ka ain.
Haba ia dei bad ka jingsam ia u khaw u bah Prestone u la ong ba katkum ki kyndon ka long ba kin ioh tang kito kiba don ia ki kard ration, hynrei lada ka shnong ka shim ia ka rai ban ia sam lang kata ka shong ha ka jingiasngewthuh jingmut hapoh ka shnong ha kum kane ka por jynjar.
U Symbut Myntri rangbah u la ong ba wat ialeh politic namar ba kane ka dei ka por ba jynjar. Haba ia dei bad ka jingsam ia u khaw ration ha ki shnong ka don ka Village Vigilance Committee, lada don kano kano ka jingleh palat dei ban pyntip khnang ban ioh ban pynshitom.
U myntri u la ban biang ba ia ka baikit la siew da ka sorkar kam dei ban don ka jingkhatei bai kit na ki paidbah ba ioh ia u khaw ration.
