Shillong, Rymphang 01: U National President ka party NPP u Conrad K Sangma mynta ka sngi u la pynshai ba ka jingpynduh tiket ka party ia u MLA ka party u S G Esmatur Mominin, ka daw ka long ba wat la ka sorkar kala pynlait bun ki skhim lyngba u nongmih khmat hynrei ym shym la iohi ha madan ia kita ki kam pynroi.
Haba kren ha ka jingialap elekshon ha Phulbari ban ai ka jingkyrshan ia u A T Mondal kyrtong ka party la ong ba u shem ba bun bah ki skhim la mang hapoh ka konstitwensi hynrei ka jingpyntrei kam ka long kaba duna bha, ka party ka kawah ban pynpoi ia ki kam pynroi sha ki paidbah.
Ha kane ka jingialang u la pynkynmaw ia kaei kaba u kpa jong u u P A Sangma u juh kren “ Shakri ia ki paidbah, ym dei ia ka pisa” baroh kiba bun kila kynthoh iaka jingpynduh tiket ia u MLA ka party kumba la paw ha ki Social Media, hynrei bad u khlem jubab.
Haba jubab ia ki jngkynnoh baroh, la ong ba ka jingjied ia u A T Mondol kum u kyrtong ka party, da kaba pynkynmaw ia kaei kaba u kpa u juh ong “ Wat juh beh ia ka bor, Pisa lane ka shuki, trei naka bynta ki paidbah bad kin sa siew kylliang ia phi”. La ong ba ha kine ki san snem la pynlait shibun ki skhim sha Phulbari hynrei khlem ioh sha madan la kynnoh.
U Conrad u la leit sha ki bynta ka ri thar ka jylla Meghalaya ban kanbas elekshon bad halor ka rai jong u nongialam ka liang pyrshah ban ia khun na Tikrikilla nalor ka Songsak kala pynlong ia u Conrad ban poi sha katei ka jaka ban ialap elekshon ha dwar jong u nongialam ka TMC.
La ong ba u Mukul u kham shim khia ban ialap elekshon sha ki jaka ri thor ban pynkhlian ia ka party naka liang jong u Conrad ruh un pynkhlain ia ka jingialap elekshon ban pynkhlain iaki kyrtong ka party bad ka liang pyrshah kala dang kham tlot namar ka jingiapaid hapdeng jong ki.
