Shillong, Nailar 10: U Joint Commissioner jong ka tnad sam bam sam dih jong ka sorkar jylla u la ong ba kila ioh ia ka jingujor ba don khaw plastic bad kine ki nongujor kila ai ruh ia u khaw u bad ei ha ka kyrteng Arham ia kaba la shim nongmuna na kawei ka shnong kaba don ha Umsning.
Ia u khaw bala ioh nongmuna bad lai jait kiwei ki khaw kiba la shim da ki ophisar jong ka Food Safty na iew la phah ban peit bniah ia ki sha ka jaka peit bniah kaba don ha Bamunimaidan ha Assam Guwahati.
Na ka liang jong ka sorkar Assam, kala phah ia ka kaiphot sha ka ka sorkar Meghalaya la ong ba u khaw u ba la shah ujor bad kiwei ki khaw kiba la shim kumto na ki iew ki hat la lap ha katei ka jingwat bnaih ba ki long kiba bha, kumta na ka liang jong u Joint Commissioner badei peit ia ka Food Safety jong ka jylla Meghalaya, u la ong ba ki paidbah kim dei ban khih jingmut namar bay m don khaw plastic. Kane ka long katkum ka khubor sorkar kaba la phah mynta ka sngi.
