Pynshlur ka ICAR ban rep khlem da pyndon kam ia ki dawai ha Pynthor

Shillong, Lber 16: Ban pynshlur ia ka rep khlemda pyndon kam da ki dawai sboh khnang ban pynlong ia ka mariang kaba khuid bad ban ioh ia ka met ka koit ba khiah, ka tnad kaba dei peit ia ka rep ka riang jong ka ICAR kala pynlong ia kane ka jinghikai ha ka shnong Pynthor bad ia kane ka jinghikai la ai da u Dr Dr. S.V. Ngachan, Director, ICAR, NEH, Umiam.

Kumba 70 ngut ki nongrep na ka shnong Pynthor,Mynsain bad Umden jong ka Ri Bhoi District kila wan ban ia shim bynta ha kane ka jinghikai kaba kyrpang kiba bun kiba la ia poi ki dei ki riewlum. Ha kane ka jingai jinghikai kala don ruh ia ka jingiamir jingmud ha kaba la jubab da u Dr . Subhash Babu, Scientist (Agronomy) kumno ban rep khlem da pyndon kam ia ki dawai sboh.

Ha poh ka jingialam jong u Dr  Dr. S.V. Ngachan, Director, ICAR Research Complex, Umiam bad  Dr. Anup Das, Head, Division jong ka tnad rep, ICAR kila shim ia ka shnong  Mynsain naduh u snem 2013 ban hikai bad ban pynslur ia ki briew ba rep khlem da pyndon kam ia ka dawai sboh, la hikai ruh kumno ban pynkylla soh na ki niut ki nier. La thaw ruh ia ki committee kumno ban leh ban shna ia kane ka sboh.

Na ka liang jong ki heh ka ICAR kiba la ia don lang ha kane ka jinghikai ki long u Dr Subhash Babu, Scientist (Agronomy), u Bah  Dauni Suting bad u Dr. Utpal Dey. Kane ka jinghikai ka long ban pynshlur ia ki paidbah ia kane ka rep kaba khlem pyndon kam sboh bad ka jingmyntoi kaba ioh ha ka imlang sahlang na kane ka rukom rep.

 

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet