pynskhem ia ki nongkit kam jong ka Synjuk Ki Seng Samla Shnong jong ka SWKH District

Ki dkhot jong ka SSS jong ka SWKH District.Mawkyrwat, Nailar 08: Ka Synjuk ki Seng Samla Shnong (SSSS), SWKHD ka la ioh ban pyskhem ia ki Nongkitkam bapura mynta ka sngi ka 28th July, 2017 da ki Nongialam jong ka Synjuk ki Seng Samla Shnong, Sengkmie hapoh ka jingialam jong u Samla Vanshan Buhphang ryngkat kiwei pat ki dkhot jong ka Central Executive Committee (CEC) na Shillong.

Ki nongkit kam jong ka South West Khasi Hills District kiba la shah pynskhem bad pyntian smai ki long, u Bah Wallambok Syiemiong kum u Chairman, Bah Polin Lyngdoh bad WCD Toi kum ki Vice Chaimran, Bah Kitborsing Lyngdoh kum u General Secretary lajied ruh 23 ngut kiwei ba kin don ha ka Executive Committee.

Ia kane ka jingialang pynthymmai nongkit kat la pyniaid ia kane ka jingialang da u Samla Rangbah Wallambok Syiemiong, Chairman SSSS, South West Khasi Hills District, ha ka jingdon lang ki Myntri Shnong, ki Seng Longkmie bad ki Seng Samla Shnong jong ka District kiba la iawan ban sakhi lang ia kane ka jingpynskhem.

Ha kane ka sngi, La ioh ia ka jingkren na I Kong Gladys lyngdoh, Seng Longkmie Mawlangwir, nangta na u Samla Kyrshan Rynjah Publicity Secretary, SSSS CEC, u ba la pyni ia ka jingdonkam ban don ka jingiaieit, ka jingiatylli, ka jingiashaniah, bad ban kiar na ki jingsniew. La ioh ruh ka jingkren na u Samla Rangbah Vanshan Buhphang, Chairman CEC, u ba la ialam jingmut bad hikai kumno ban long ki Nongialam kiba Shemphang kiba Shlur kum ki Shipai ban ia kit iabah ia ka lyngkor ha ki Shnong ki thaw ban wanrah ia ka khuid ka suba da kaba ia iaid lang ryngkat bad ki Dorbar Shnong.

Ha kane ka sngi la ioh ruh ban pynkup burom ia ka Kong Ripnar Lyngdoh, IAS, Deputy Commissioner South West Khasi hills District I ba la trei shitom nakabynta ka bha ka miat hapoh ka District, kaba long ka jingkyrkhu ia u ba bun balang. La pynkup ia kane ka burom da u Bah H.T. Snaitang, President ka Synjuk ki Rangbah Shnong Maharam Syiemship bad da u Samla Kitborsing Lyngdoh, Genl. Secy. SSSS South West Khasi Hills District, ha kaba ki la ai ruh ia ki kyntien kyrkhu kyrdoh bad ai khublei ia ka Kong Ripnar Lyngdoh (D.C, SWKHD) ba in nang lah ban nangtrei shitom bad ban ioh ruh ki met ba koit ba khiah.

Ka Kong Ripnar Lyngdoh ha jingkren jong ka, ka la ai ka jingkyntu kynpham, ka jingsneng jingkraw ia ka Synjuk ki Seng Samla Shnong jong ka District hi baroh kawei. Ha kane ka sngi la ioh ruh ia ka jingpynshit pynshngain da ki sur jingrwai na u Samla Skhembor Nongrum, SSS Mawkyrwat bad na u Samla Commander Lyngkhoi, SSS Mawlangwir. La ioh ia ka jingaikhublei na I Samla S. Harvester Khongthaw, Finance Secy, SSSS, SWKHD.

What Next?

Recent Articles

Leave a Reply

Submit Comment
*