Shillong, Risaw 06: U General secretary jong ka seng kmie ka Khasi Student Union u samla Donal V Thabah dang shen u la pynkshem ia ka shnat trei kam jong ka seng hapoh jong ka shnong Diengpasoh ia kaba la tip kum ka KSU Diengpasoh Unit.
Ia ka jingialang ban pynskhem ia ki nongkit kam jong ka seng KSU la pynlong ha iing dorbar shnong jong ka shnong Diengpasoh ha ka jingiadon lang ki paidbah nongshong shnong lem bad ki nongialam jong ka seng KSU na kiwei ki shnat kiba la ia poilang ha katei ka sngi.
Ki nongkit kam jong ka seng KSU Diengpasoh Unit kiba la shah pynkshem ki long u samla Akness Kharsati u la shah jied kum u President, u samla Iaikyrmen Kharumnuid kum u general secretary, u Samla Sankupar Mukhim kum u Vice President, nalor jong ki la thung ruh 15 ngut kiwei de ki nongkit kam.
Ia ka jingialang ha katei ka sngi la pyniaid da u samla Shainingstar Kharbihkhiew u president jong ka KSU Mawryngkneng bad la pynbam smai ia ki dkhot ka seng da u General secretary ka seng u samla Donal V Thabah.
