Pynsmai u bah Metbah ia ki lain gut ki MLA ba dang jop mynta ka sngi ha Annexed Hall

Shillong, Naiwieng 05: U Shongknor ka iing dorbar tahwain ka jylla u bah Metbah Lyngdoh mynta ka sngi u la pynsmai ia ki lai ngut ki MLA kiba dang shujop na ki lai tylli ki konstitwensi ha kane ka ilkeshon shiteng samoi kaba danf shu dep niew vote ha ka 2 tarik mynta u bnai.

Ha kane ka jingshim smai u MLA jong ka 24-Mawphlang ST Assembly Konstitwensi u bah Eugeneson Lyngdoh na ka UDP u la shim ia ka jingsmai da kaba kular ban un trei kam kum ki kyndon ain kiba la pynkup bor.

Ki ar ngut ki MLA jong ka NPP u bah Pyniaid Sing Syiem na 13-Mawryngkneng bad u Abdus Saleh na 47-Rajabala kila shim smai ha ka jyrteng u blei ba kin trei ia ka kam ka jam katkum ki kyndon kiba la pynkup bor.

Ia ka jingpule ban khot ia ki ba kin wan sha khmat ban shim ia ka jingsmai la pule da u Commissioner bad Secretary jong ka iing dorbar thawain ka jylla u Dr Andrew Saimos ba ki MLA kiba dan shah jied thymmai kin wan sha khmat ban shim ia ka jingsmai.

Ha kane ka sngi la don lang u Deputy Speaker u T D Shira, ki myntri na kane ka sorkar MDA, ki MLA kiba ha iing ha sem jong ki MLA  ban ia sakhi lang ia kane ka sngi kaba khraw ba kin lai ngut ki MLA kila shim ia ka jingsmai.

Na ka liang pyrshah u la poi ban ia skhi lang ia kane ka sngi ba ki lai ngut ki MLA ba thymmai ki shim smai la wan mih khmat da u bah Himalaya M Shangpliang na ka Congress ba dei MLA jong ka Mawsynram.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet