Pynthikna ka Sorkar ba yn pynher ia ki liengsuin ban pynpoi ia ki dawai ha kylleng ka Ri

New Delhi, Lber 30: Ka tnat Civil Aviation (MoCA) jong ka Sorkar Pdeng ka la iatrei lang bad ki Sorkar jylla ban pynthikna ka jingpyn poi ia ki tiar sumar briew bad kiwei kiwei ki tiar ba donkam ban test bad iada na ka COVID-19.

Da kaba pynshong nongrim ha ka jingdonkam kyrkieh jong ki jylla bapher bapher ki ophisar jong ka tnat ki iatreilang bad ki jaka pynbiang tiar ban ioh ia kine ki tiar ba donkam bad ban pynpoi ia kine sha ki jaka ba donkam. La pyndonkam ia ki liengsuin ka Air India bad ka Alliance Air ban pynpoi ia kine ki tiar ba donkam sha ki jaka bapher bapher jong ka ri.

Kito kiba la ioh jingtbit na ka MoCA ban rah ia kine ki tiar ki iakren bad ki ophisar ba iadei bad kane ka kam ha ki jaka jong ki bad ki iatrei lang bad ki ban leh ia kaba donkam ha ka por kaba biang ban rah bad shimti ia kine ki tiar.

Ia ki jingdonkam jong ki thain mihngi bad shatei lam mihngi, ka lieng suin jong ka Alliance Air na Delhi sha Kolkata ka la rah ia kine ki tiar na ka bynta ki jaka kum ka Kolkata, Guwahati, Dibrugarh bad Agartala ha ka 29 tarik u Lber 2020.

Ha ka thain shatei, ka lieng suin jong ka IAF na Delhi sha Chandigarh sha Leh ka la rah ia ki tiar ICMR VTM kit bad kiwei kiwei ki tiar kiba donkam.
Ka Alliance Air pat ka la aiti ha ka liengsuin Air India ia ki tiar na Pune sha Mumbai.

Mumbai -Delhi-Hyderabad-Chennai-Mumbai and Hyderabad – Coimbatore. Ki lieng suin sha kine ki jaka ki la rah ia ki ICMR kit na ka bynta ka Shimla, Rishikesh, Lucknow bad Imphal na Pune sha Delhi. La rah ia ki ICMR kit sha Chennai. La dep pynpoi ia shi bynta ki tiar na ka bynta ka Hyderabad. La dep pynpoi ruh ia ki tiar na ka bynta ka Andhra Pradesh, Tamil Nadu bad Puducherry. Ki tiar na ka tnat Textiles la rah sha Coimbatore.

Ka jingpynioh jingtip, jing jubab ia ki jingkylli ba mih bad ki kam ba iaei bad kine ki dang iaid shakhmat ban ioh ban pynpoi ia ki tiar sha ki jaka ba donkam ha ka por kaba biang khnang ban pynkhlain ia ki lad ialeh pyrshah ia ka jingpang COVID-19.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet