Shillong, Kyllalyngkot 17: Mynta ka sngi u bah R Susngi u la pynthikna ba ha ka sngi bar por jan miet ki shipai duriaw kiba la ngam ha katei ka kren dewiong kaba la ban ia ki nongtih dewiong kila lah ban iohi ia kawei ka met kaba don hapoh thliew tih dewiong kaba jngai haduh 200 phut na ka krem.
Na ka liang jong ki stad ba peit ia kane ka kam ban sei ia ki met kiba la duh ei ia la ka jingim na kane ka krem dewiong ki dang ia pyrkhat kum no ban leh ban sei ia kane ka met kaba la pyut na katei ka krem.
Ha kane ka jingialeh ban sei ia ka met jong ki briew kiba la shah ban ha kane ka krem dewiong mynta la shibnai lynter mynnin ha k 16/01/2019 por jan miet la lah ban iohi tang kawei ka met lyngba ki komera kiba la tip kum ki ROV.
