Shillong, Jylliew 20: Ka JSU-WJC ha ka19-06-2020 ka la buh ka jing ujor sha u Shri Lahkmen Rymbui, Myntri ba dei peit ia ka Home & Border Areas Development ia ka jingshna ia ka RCC structure da ki Border Gaurds of Bangladesh(BGB) hajan u Zero line jong ka khappud India – Bangladesh Border bad ruh ia ka jingjahnoh u Sub Pillar jong u Paia BP No.1273 kaba don ha Wah Umngot hajan ka BSF camp ha Dawki.
Ka JSU-WJC ka la ioh jingtip ba kane ka jingshna kadei na ka bynta ban pahara da ki BGB ryngkat ki jingdon ki flood light.
Ka JSU-WJC ka la thoh “Ngi sngew lyngoh ba kumno ki BSF kaba don ruh ia ka Camp hajan hangto hi ka shu peit kai khelm da lah ban khang lad ia kane. Ngi dawa ba ka BSF ka dei ban pynshai ia kane.” .
Ha ka jingleit jurip ka seng ha ne u Bnai la lap ba u Sub Pillar jong u BP No.1273 uba don hajan kane ka jingshna, u la jah noh bad ruh ka Madan Bol ruh ka la jan khyllem lut namar ka jingjur ka jingkhlong maw da ki khar Bangladesh.
Ka JSU-WJC ha ka jingialam u President Eddy Kery Pohtam bad u General Secretary u Kerrydiam Lamin kina leit iakynduh ruh ia u Assistant Commander ka BOP Dawki ban wad jingpynshai shaphang kane ha kaba u la jubab ba ia kane ka jingshna la ioh jingtip mynta da ki Bor bahalor bad ruh lah sangeh noh ia kane ka jingshna mynta.
K
a JSU WJC ka kyntu ruh ia u Minister ban leh ei ei ia kane ka jingleh baheh ka Bangladesh bad ruh ban pynbeit noh ia u pud da kaba thung ia ki paia jong ka khappud India Bangladesh katkum ba dei.
