Shillong, Naitung 16: Halor ka jingpan jingtip jong ka KHNAM lyngba ka RTI na ka liang jong ka NEIAH kala jubab ba ia ka jingpynbna kaba la pynmih ha u snem 2016 na ka bynta ki kam bapher bapher la pyndam noh. Katba ia kiwei ki kam pat la pynlong biang ia ka eksamin bad la thung ia ki katkum ki kyndon ba la buh.
Na ka liang jong ka KHNAM kala ong ba lada ka jingthungkam kam long na ka bynta ka jingmyntoi jong ki samla kane ka jylla ka KHNAM kan nym lah ban pdiang lada ka jingai kam kan long tang ia ki briew kiba na sha bar jong ka jylla Meghalaya.
Ka KHNAM ka dawa ba ka dei ban pynshai ha ka rukom kaba dei ha kaba ia dei bad ka jingthung kam lem kumta ka seng kam ban se ban ujor da ka FIR pyrshah ia u Director jong ka NEIAH. La ong ba ia ka examin ban pynlong ia ka jignthung kam ha ki katto katne tylli ki kam kan long ha ka 23 tarik u Nailar.
Na ka liang jogn ka KHNAM kala ong ba ka jingjubab ha kaba ia dei bad ka RTI kaba la pan kam shym la kren shai kumba la pan da ka seng. Na ka liang jong ka KHNAM kala dawa ba dei ban pynbeit ia kane ka jingeh kham kham kloi. La ong u Bah Thomas Passah President ka Youth Wing jong ka KHNAM.
