Shillong, Risaw 29: ka ophis jongu Deputy Commissioner Supply jong ka East Khasi Hills mynta ka sngi kala pyntip paidbah ia u khaw rashon la pynlait paidbah bad ki paidbah kin ioh ia u khaw na ki jaka sam khaw rashon.
Kiba don ia ki kard AAY kin ioh 12 kilo u khaw kawei ka kard bad kiba dei PHH kin ioh 2 kilo shi khlieh briew bad ka dork an long beit lai tyngka shi kilo. La bethah ia baroh ki dukan sam kham rashon ba kin san ia une u khaw sha baroh kiba dei hok ban ioh.
Ha ka juh ka porn ka ophis jong u DC kala pyntip ba ia u khaw NSFA bad ia u bym dei NSFA la pynlait paidbah kaba dei na ka bynta u bnai Risaw 2018. Bad ia u Shini la pynlait paidbah na ka bynta u bnai kyllalyngkot, Rymphang bad Lber.
Ka dor jong u khaw AAY kan long lai tyngka shikilo bad ki dei ban ioh 35 kilo, kiba dei na ka PHH kan san san kilo shiunit ha ka dor lai tyngka. U Shini unlong 3 kilo shi tnum iing ha ka dor laiphew tyngka shikilo.
Baroh ki dukan ki dei ban leit ban mih sha ka ophis ryngkat ka register kaba thoh kyrteng ia ki kard khnang ba ka ophis kan ioh ban pynthymmai. Lada kim wanrah ia ka register ka ophis kan nym pynlait ia u khaw. La bethah ba ki dei ban sei ia u khaw kumba la ai ha ki ha shuwa ka 2 tarik Naiwieng 2018. Lada don kiba khlem iohkhaw pyntip sha ka ophis jong u DC.
