Shillong, Jylliew 19: Ka ophis ophis jong ka State Disaster Management Authority (SDMA) mynta ka sngi kala pyntip ba kiba khlad baroh na kane ka jinshah pynjulor ha ka mariang kila kiew sha ka 34 ngut.
Mynta ka sngi ka ophis jong ka SDMA kala pyntip ba ki don 6 ngut kiba khlad bad kito ki dei na South Garo Hills District, na kitei 4 ngut ki dei kiba hap hapoh jong ka Baghmara Block, ha Gasuapara Block ba khlad 1, ha Rangra Block ba khlad 1, kiba dang jah lai ngut pat dei na Baghmara Block.
Ki shnong kiba la shah ktah na kane ka jinglynshop ka mariang mynta ka sngi ki don 96 tylli, ki briew kiba la shah ktah ki long 47,490 ngut, ki iing kiba la shah pynjot malumala mynta ka sngi ki don 361 tylli, la pynlait san ngut ki briew na ka jingshlei um.
Ban ai jaka shah ia ki briew kiba la shah ktah na kane ka jingshlei um la buh 31 tylli ha kylleng ki bynta jong ka jylla, ki briew kiba sah ha ki jaka bala buh da ka sorkar baroh ki long 4202 ngut haduh mynta ka sngi. Kila don shibun ki jingtwa ha kaba bun ki jingkieng bad ki surok kila dkut bad ki jaka rep kila shah pynjulor.
