Shillong, Nailur 11: Ka tnad ka koit ka khiah mynta ka sngi kala pyntip paidbah ba kiba khlad mynta ka sngi na kane ka jingpang COVID-19 ki don 6 ngut baroh kiba khlad dei kiba khlem pat ai Tika, na East Khasi Hills 4 ngut, West Garo Hills 1, Ri Bhoi 1, kiba khlad baroh kila kiew sha ka 1352 ngut.
Kiba la test COVID-19 positive mynta ka sngi ki don 138 ngut, kiba la test bun eh dei na East Khasi Hills 66 ngut, na Ri Bhoi 18 ngut, kiba dang shitom baroh haduh mynta ki dang don 1913 ngut.
Kiba la koit na kane ka jingpang mynta ka sngi ki don 226 ngut, kiba la koit buneh dei na East Khasi Hills 88 ngut, na West Khasi Hills ki don 50 ngut, kiba la koit baroh na kane ka jingpang ki long 74750 ngut haduh mythna ka sngi.
Mynta ka sngi ki don ar tylli ki District kiba lait na ka jingtest COVID-19 posyive, kine ki ar tylli ki District kiba lait ki long ka South Garo Hills bad ka South West Garo Hills District .
