Shillong, Jymmang 23: U Deputy Commissioner jong ka West Khasi Hills District bah Garod L.S.N Dykes ba la ioh jingtip na ka tnad ri mrad jong ka sorkar ba don ha West Khasi Hills District ba kila don ki sniang kiba la iap pang khlaw ia kaba la tip kum ka “African Swine Fever”.
Katkum ka jigntip kaba la ioh ba ki sniang kiba la iap na ka jingpang khlam ka dei na ka shnong Tiehsaw hapoh jong ka West Khasi Hills District, kumta la don kam ban shim ia ki lat ki lynti ban khanglat ia kane ka jingsaphriang kane ka jingpang.
Na ka liang jong u Deputy Commissioner u la pynjari ia ka kyndon 144 CrPC ba ai bor ia ka tnad ri mrad ba kan pynthikna ba katei ka jaka kan long kum ka jaka kaba hap ban peit bniah, ba 1 km sawdong ka thiehsaw ka dei ka pdeng jong ka pang khlam bad 10 km sawdong dang hap banpeit bniah.
Na ka liang jong u Deputy Commissioner jong ka West Khasi Hills District u la pynjari ia baroh ki kyndon kiba hap ban bud haba kadon kum kane ka jingpang khlam ki sniang hapoh kano kano ka shnong ka thaw.
