Pyntip u CEM ka KHADC ha iing dorbar ban skhot noh ia ka jingialang ka ‘Boundary Committee’

Shillong, Naiwieng 03: U Chief Executive Member jong ka KHADC u bah Titostsarwell Chyne haba jubab ia ka jingkylli hapoh ka iing dorbar kaba la wanrah da u bah Charles Marngar  haba ia dei bad ka jingpynbeit pud bad ka jylla Assam ha ka kylla kaba ar la ong ba ka dang don hapoh ka jingpeit jong ka Regional Committee.

Haba jubab ia ki jingkylli bynrap, u CEM ka KHADC la ong ba shen kin sa khot ia ka Boundary Committee jong ka District bad ha kane kin sa ia kren kumno ban ai jingmut sha ka Regional Committee ha kaba EM bad ki MDC na ka District Council ki don lang ha katei ka Kommittee.

Haba juba ia ka mat iakren kaba la wanrah da u bah PN Syiem nongialam ka liang pyrshah halor ka jingpyntreikam ka sorkar ia ka CPC bad ia ka CrPC ha ki jaka jong ki riewlum, u bah la ong ba mar ia tip ia kane u la dep kren sha ki lat pathai  khubor ba ka KHADC ka pyrshah bad ki la phah ruh da ka jingthoh sha ka sorkar.

Halor ka jingthoh kaba la ai na ka KHADC, u myntri rangbah ka jylla  u la khot ia kren ar sien ia ka District Council halor kane ka bynta bad la pynsngewthuh ba kane ka jingpyntrei kam ia ka CPC bad CrPC kan nym ktah ia ki iing bishar jong ki District Council.

Hynrei na ka liang jong ka District kam hun wat ia ka jingpynbna ka sorkar kaba la shu kren ba kan nym ktah ia ki iing bishar jong ki District Council, na ka liang jong ka Executive Committee kan shim ia ka jingai jingmut jong u nongialam ka liang pyrshah ban thoh sha sha ka sorkar ba ka dei ban da pynmih da ka jingpynbna sorkar kaba shai.

Na ka liang jong ka Executive Committee kan thoh sha ka District Council Affair jong ka sorkar ba kan da pynmih ia ka jingpynbna ba ka jingpyntrei kam ia ki CPC bad CrPC kan nym ktah ia ki iing bishar jong ki District Council lada kam don ka jingpynbna sorkar kan mih shibun ki jingeh ha dien ha bud.

Ia kane ka mat ia kren ba la wan rah da u bah PN Syiem la kyrshan da u bah RV Lyngdoh na ka liang pyrshah bad kum juh da u bah Bindo M Lanong na ka liang synshar ia kaba u CEM u la pdiang ia ka jingai jingmu hapoh ka iing dorbar.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet