Shillong, Jylliew 02: U Myntri Rangbah ka jylla u Conrad K Sangma mynta ka sngi u la pyntip ba sa ar gntu ki briew ha West Garo Hills District kila ioh ia ka jingpang COVID-19, kine ki dei kiba wan phai na ka jylla Utter Pradesh.
U Myntri Rangbah ka jylla u la ong lyngba ka twitter ba ka jingdon jong ki briew kiba ioh ia kane ka jingpang COVID-19 ha ka jylla ki long baroh 30 ngut, wei la khlad, 12 ngut kila jem bad kiba dong hapdeng ka jingshitom ki long 17 ngut.
U Myntri ba dei peit ia ka koit ka khiah u Bah A L Hek u la ong ba baroh kiba shitom kila poi sha ka 17 ngut, 12 kila jem, 1 la khlad bad baroh kila poi sha ka 30 ngut kiba ioh ia kane ka jingshitom ha kane ka jylla Meghalaya.
Na ka liang jong u myntri ba dei peit ia ka koit ka khiah u la kyntu ia baroh kito kiba don ha pdeng ka quarantine ba ki dei ban but ryntih ia ka jingbthah jong ka sorkar khnang ba kan nym don kano kano ka jingsaphriang ha kane ka jingpang sha ki paidbah.
Kine ki ar ngut kiba la test Positive mynta ka sngi ki dei ba dang wan phai na ka jylla Utter Pradesh bad ki don ha ki jaka quarantine kiba la buh da ka sorkar, kine baroh ar ngut ki dei na West Garo Hills District.
