Shillong,Jymmang 4 :- U deputy commissioner Jong ka East jaintia hills district u lah phah ia ka shithi Sha u chief secretary Jong ka jylla, Sha u commissioner bad secretary ba dei peit ia ka tnad industry bad Sha u joint secretary ka tnad ba dei peit ia ki Kam marpoh khyndew.
Kane ma shithi kaba lah phah da u DC Jong ka East jaintia hills ka long halor ka Jing pyrshah Jong ki khyndai tylli ki seng ia ka jingthmu Jong ka sorkar ban ai jingbit IA ki karkhana dewbilat ban wan kit dewiong na shabar jylla.
Ki khyndai tylli ki seng ki kynthup iaka Synjuk Wahehshnong East jaintia hills district, Jaintia Coal Minner and Dealer Association,East jaintia Coal supplier Association, Jaintia Amalgamated Redressal Forum, Meghalaya people Labour Union Jaintia Hills district committee, Jaintia students Movement Central body,East jaintia National Council Central Body,Hynniewtrep National Youth Front,East jaintia Zone bad ka Khasi Student Union East jaintia hills district.
Katkum ka shithi ba la phah da u DC Sha ka sorkar h lah kdew Shai ba kitei ki seng bhalang baroh ki la pynpaw ba Lada ka sorkar ka shah ban wankit ia u dewiong na shabar kin pynkheiñ ia ka Jing pakhang ka sorkar da kaba pynlong ia ki jingialang paidbah, pakhang shnong bad kiwei kiwei .
Haba shim naka Jing pynsngew Jong kitei ki kynhun, na ka Liang ka office Jong u DC ka shim bad pyntip ia kane ka jingsngew pyrshah Jong ki Sha ka sorkar ba Lada long kaba lah ban die lilam ia u dewiong khnang ba ki lah ban die Sha ki karkhana dewbilat Lada ka sorkar ka pdiang. Ka office Jong u deputy commissioner Jong ka East jaintia hills ia kane ka shithi kaba lah phah Sha ka sorkar mynta ka sngi lah phah ruh Sha kitei ki khyndai tylli ki seng na ka bynta ka jingtip Jong kitei ki seng.
