Pyntip u MLA ka jylla Assam sha u myntri PWD Meghalaya ban shna surok ha khappud

Shillong, Lber 22: U MLA jong ka 54-West Guwahati Constituency u Ramendra Narayan Kalita ha ka 21.03.2017, u la thoh sha u myntri shna surok jong ka jylla Meghalaya ban pyntip ha kaba ia dei bad ka jingshna ia ka surok na ka skhim PMGSY ha khappud Assam Meghalaya.

Katkum ka shithi kaba la phah la ong ba ka sorkar Assam kala pyntrei kam bun ki kshim hapoh jong ka PMGSY ha khappud Assam bad Meghalaya bad da ka jingshna ia kine ki surok kan jingmyntoi kan long ia ki ba bun ki shnong kiba don hapoh ka jylla Meghalaya ruh kum juh.

Na ka liang jong u tei u MLA jong ka jylla Assam ha ka shithi u la kdew shai kdar bad u la kyrpad ba ka sorkar Meghalaya kan nym kren ei ei ha kaba ia dei bad u pud u sam ha katei ka jaka namar kane ka dei ka skhim jong sorkar pdeng. Na ka liang jong u tei u MLA u la kyntu ia ka sorkar Meghalaya ban pyntip sha u ha kaba ia dei bad kane kas kam.

Ki surok kiba la ioh ban shna na kane ka skhim PMGSY ha khappud Assam Meghalaya ki long ar tylli, kawei ka dei ka surok na Muduki PWD Road bad ka pack No AS-11.1242 bad kawei pat na Jimirgaon Bakhalapara Road Pack No.AS-11-753.

Haba ia dei bad kane ka jingpan jingbit jong u MLA ka 54-West Guwahati Constituency U R N Kalita na ka liang jong u Bah Miechel Warjri u la phah ia kane ka shithi sha u myntri ka tnad shna surok jong ka sorkar Meghalaya ha ka 21.03 2018.

Ha kane ka shithi na ka liang jong u secretary jong ka Hima Nongspung u bah Micheal Warjri u la kren shai ba ia kane ka jingpan jingbit ka long ha ka por jong ka sorkar Congress ha kaba u Dr Mukul Sangma u long u mytnri rangbah ka jylla. Kitei ki ar tylli ki surok kiba la pan jingbit da u MLA jong ka jylla Assam la ong ba ha ka jingtip jong u Bah Warjri Secretaty jong ka Hima Nongspung.

Kine ki surok, ka Muduki kan iaid lyngba ka Balakhawa, Burnongshai, Hawla haduh Baklapara, katba ka surok Jimirgoan kan iaid lyngba ka Lyngkhung, Baklapara bad Jimirgaon bad kine baroh ki shnong ki hap hapoh ka Hima Nongspung hapoh jong ka jylla Meghalaya.

Ha kane ka shithi jong u Secretary, u la kyrpad ia u myntri ka tnad shna surok jong ka PWD ka sorkar Meghalaya ban leh noh kham kloi ban lait na ki kynrum kynram kumba la pan jingbit da u MLA jong ka jylla Assam na ka sorkar Meghalaya. La ong u bah Michael Warjri Secretary ka Hima Nongspung.

What Next?

Recent Articles

Leave a Reply

Submit Comment

*