Shillong Naiwieng 10 :U Bah Lahkmen Rymbui myntri ba dei peit ia ka tnad pule jng ka sorkar Meghalaya u la pyntip ba la pynlait ia ka pisa bai bam ki khynnah kiba la kot shaka T. 1697291678 /- kaba dei jong ka Pre Matric bad Post Matric jong u snem 2021-2022 sha ki 61116 ngut ki samla pule ka jylla.
U bah Lahkmen lyngba ka twiter u la ong ba shen ia kane ka pisa baibam ki khynnah yn sa sdang ban phah noh sha ki akount jong ki samla pule kiba dei ban ioh ia kane ka jigniarap bai ban kaba ka sorkar kala ai, kane ka jingpynbna ka dei kaba la pynbna u myntri ka tnad pule lyngba ka twitter jong u.
Kane ka jingpynbna paidbah ka sorkar ba la pynlait ia ka baibam ki khynnah ka jia ryngkat ruh ba ka seng HYC kala pyntip ba kin pynlong ia ka jingiaid paidbah la shai ka sngi ka 10/11/2022 na Madan Iewrynhep sha Additional Secretariat ban dawa pyllait noh ia ka baibam jong ki samla pule.
