Shillong, Lber 31: U Myntri Rangbah ka jylla u Cornad K Sangma la ong ba ka jingia pynbeit ban ia kren ia suk ha pdeng ka sorkar bad ka seng HNLC kala sdang bad ia ki jingtip kiba kham bniah tang ki ksiang kiba lah ban tip namar ka sorkar kam don bynta ei ei la aiti sha ki ksiang ban leh ia kaba don kam.
Ki ksiang kila sdang ban ia kren bad kila sdang ban ia pynbeit bad ki briew kiba don bad ha dien kila ia pynbeit hapdeng ki ksiang ka jingiakren kan sdang, u mytnri rangbah la ong ba um kwah ban kren ei ei than ba kan nym ktah ia kane ka jingikren ia suk kaba la wan dur.
Ka bynta kaba kongsan kala sdang ban poi sha ka jingiakren ia suk bad kane ka dang iaid bteng bad kan iaid katkum ki kyndon haduh ban da poi bad kum ka long mynta ka don ka jingiaid sha khmat hapdeng sorkar bad ka seng HNLC.
Haba ia dei bad ka AFSPA u myntri rangbah ka jylla Meghalaya u pynpaw ia ka jingsngewnguh ia ka sorkar pdeng kaba la shim ia kane ka rai ban pynduna ia ka jingpyndon kam ia kane ka ain kaba la ktah ia ki jylla ka dong shatei lam mih ngi jong ka Ri India.
Kane k rai ban pynduna ia ka jingpyndon kamia ka AFSPA kum ka Assam, Nagaland bad Manipur bad kane kan iarap shibun ia ki paidbah bad u myntri rangbah la ong ba kane ka long ka jingmyntoi kaba khraw ba ki paidbah kane ka thain kila dawa la bun bun snem mynta.
