Shillong, Naitung 10: Hadien ba ka seng ka la la ioh iaki jing ujor naki ba bun ki Longkmie, ki riew Rangbah bad Ki paitbah ba bun halor ka Phlim ” Awria” ia kaba yn sa pynmih da u Bah Gilbert Thongni kum u Director naka liang jong Ka kynhun peit bniah jong ka KSU Sengkmie haka jinglam khmat u Samla Reallystar Nongspung kum u Chairman jongka Environment & Cultural Protection Cell bad u Samla Forward man Nongrem Secretary Environment and Cultural Protection Cell kila pynlong iaka jing bishar bniah bad ki la lap shisha baka long ka phlim kaba khlem akor, ba isait met ban peit bad ka bym ia dei dur bad ka imlang sahlang khamtam haba don bad peit shi Ïing shi sem namar ki don ki bynta kiba kane ka phlim kala pyrthuh bud palat iaki phlim ki Nong Ri Sepngi naduh ka rukom ialeh ieit, iadoh iadait bad ialeh Awria kidei ki bynta kiba kum ka Jaidbynriew kamlah ban pdiang da leilei ruh namar kam iahap bad ym iadei dur kyllum bad ka pyrkhat pyrdaiń, ka sneng ka kraw bad ka rukom im jong ka Jaidbynriew Khasi.
Hooid, kum ka seng ka sngewkmen bad sngewdei ruh ban ai mynsiem halor ka jingiai kiew jongki jingpynmih iaki phlim Khasi bad ngim lah ban len ruh ba ki phlim Ki dei ruh ki bynta kiba kongsan ban pyni sha ki briew na bar iaka sain pyrkhat bad ka jingkiew shaphrang jongngi Kum ka Jaitbynriew hynrei kaei kaba ngi iohi lyngba kane ka phlim ngi i kumba kan ialam bakla shikatdei eh iaki ba bun khamtam ia kiba na bar shaphang ka jinglong bad ka sain pyrkhat jongka Jaitbynriew Hynniewtrep Hynniewskum.
Lada long ha katei ka rukom ki Nongshna, ki Nong Ring bad ki Nong ak ka phlim Awria kila pynsniew dur ia kiwei pat ki Nong pynmih bad nong ak phlim Khasi bad kan ym kyntiew shuh iaka sap ka phong ka pynshlur pynban iaki samla ban leh kam sniew leh kam awria pylleiñ pylleiñ hakhmat ka imlang sahlang bad dei halor katei ka Nongrim baka Seng bad ka Jaidbynriew baroh kawei ka pynpaw ka jing pyrshah kaba jur ban pynmih ia katei ka phlim.
