Pyrshah jur ka HYC Mawlai Circle ban buh ia ka iew thymmai ha Mawlai Mawroh

Shillong, Jylliew 01: Ka seng Hynniewtrep Youths’ Council (HYC) Mawlai circle hadien ba la iohi ia ka khubor (30/5/2020) ba ” Ithuh ka sorkar ia ka jaka ha Mawlai Mawroh ban shna iew thymmai.

” ka seng ka dap da ka jinglyngngoh, la I kumba la jurip sop sop tang na ka Ophis u Syiem Hima Mylliem, ka KHADC bad na ka sorkar ba la mihkhmat da ka DC Jong ka East Khasi Hills District namar ki nongkitkam shnong ka Mawlai Mawroh ba don katei ka jaka ruh ym shem la iohi khamtam ka Mawlai Town Durbar ruh kam shem la don lang”.

Ka HYC Mawlai circle ka pynpaw ka jingpyrshah ia katei ka jingthmu ban shna iew ha katei ka jaka kaba ngi ju tip Kum ka law Syiem, ka daw ba kongsan hi ka long ba ka kam kwah ba ka tyllong umbam umdih Kum ka Umsohlang kan long ka bih ne jingtim ia ki nongshong Shnong ka shnong Mawlai lyngba ka jingtei ia katei ka iew.

Ka HYC kam pyrshah ia ka jingthmu ban tei iew hapoh ka shnong Mawlai lada ka sorkar ne Hima Mylliem ka iaid lyngba ka jingtiplang ki Durbar shnong ne MTD bad kaba kham Kongsan ka long ban pynthikna ba ki bar Jylla kim dei ban ioh rung ne ioh bynta ha katei ka iew.Ka seng ka kwah ba katei ka iew ba thymmai kan long ka iew kaba kyrpang tang na bynta u Hynniewtrep lane ka Hynniewtrep Market.

Shwa ban pynkut ia kane ka kyrwoh, ka HYC Mawlai circle ka kwah ba ka sorkar Kan wad ia ka jaka kaba biang lyngba ka jingtip lang ka Mawlai Town Durbar (MTD) lane ka pashat jingmut ban shim noh ia ka jaka jong ka Forest department kaba don mar pyrshah ka FCI, ba kan long ka iew ba thymmai hapoh ka shnong Mawlai. Kane ka long katkum ka kyrwoh kaba la phah da u Bah Bashan L Mawnai General Secretary HYC Mawlai Circle.

What Next?

Recent Articles

Leave a Reply

Submit Comment

*