Shillong, Kyllalyngkot 08: Ka KSU S
outh West Khasi Hills District hynne Ka sngi haka jingialam jong u Samla Forwardman Nongrem , President bad u Samla Jiedskhem Nongsiej, General Secretary ki la phah da ka jingthoh sha Ka Deputy Commissioner South West Khasi Hills bad ki la ai por ruh shitaiew ia Kane ka office ba Ka dei ban weng noh ia baroh Ki shithi ba pan jaka naka bynta ban shna iaka Battalion Headquarter jong ki shipai Border Security Force ha ka thain Mawkyrwat lem kumta naka liang jongka seng ka la long ba la pynkhreh ban shim sa da kiwei ki sienjam lada Kane ka office kam kynran dien naka jingwad jaka ia ki shipai.
Naka liang jongka seng, ngi pynrem jur ia kine ki jingleh jongki bor District khlem da twad jingmut lypa naki paitbah jongka thain bad khlem da iathir bad Ki Nongialam shnong ne Ki Sengbhalang napoh ka District hashwa ban pan ne wad jaka na bynta Ki shipai. Kane ka ka jingthmu jongka sorkar imat Ka don eiei sha lyndet bad Ka seng Ka kwah ban buh jingkylli ba kumno haba tang ban pahara iaki jaka khappud Bangladesh kim pat lah hynrei Ki ialeh patde ban pynrung haki jaka pdeng bad Ki jaka ba don iaka shongsuk shongshngain. Kiba bun Ki jaka hapoh ka District South West Khasi Hills lait noh Ki jaka ba tang katto katne kilometres na Bangladesh Ki dang long Kiba shngain bad kim pat donkam iaki bor shipai Kumba ka long mynta.
Ka jingthmu ban wanrah iaki ktem shipai hapoh ka District kam dei shuh kaba dang thymmai hynrei haduh mynta ka kynti kim pat ioh lad , kumta Ka seng Ka maham lypa ia baroh Ki agent ba thmu ban wanrah ia u phud u pyrton haka thain ba kynmaw ba Ka seng Ka la long ba la pynkhreh ban iatyngkhuh badno badno ruh lada Ki nud ban wanrah bad ban thom da ka bor ha Ka ban wanrah iaki shipai hapoh ka thain. Ka seng Ka pynkynmaw ruh ba ha u snem 2016 ka la don Ka jingialang paitbah ban pyrshah ia u Uranium ha Mawkyrwat bad kiwei Ki jaka Ka District bad ha kato Ka por la pynpaw ruh ia ka sur ban nym shah iaki bor shipai ban buh ktem hapoh ka District namar ka la don Ka jingpyrshang jongki agent ban wad ktem shipai haki area Mawkyrwat, Umdohlun bad Wahkaji.
Ka seng kan iai pyrshah iaka jingwad jaka shipai da Ka Office jongka Deputy Commissioner mynta Ka kynti hynrei ngin ap kaei ka sur Ka ban mih hadien ka shitaiew naKa jingaipor jongngi. Lada Ki bor district jongka South West Khasi Hills District kim kynran dien noh hapoh ka shitaiew Ka seng Ka bat iaka Kular ban leit sha u paitbah bad ban bteng noh da kiwei ki sienjam ba tyngeh. Shuh shuh Ka seng shen kan sa lum iaki Nongialam shnong ban iakren halor Kane Ka bynta bad ban pyrkhat da Kino Ki lynti ngin iaid ban pyrshah jur ia Kane ka jingwad jaka ban buh iaka Battalion Headquarter jongki. Ka seng sa shisien pat Ka pynbna paitbah ba kila long ba la pynkhreh ban iakhun la ka long da kano kano Ka lynti ruh ban pyrshah ia ka jingthmu jong ka Sorkar ban wanrah iaka ktem shipai haka District. La ong u samla Forwardman Nongrem, President, KSU South West Khasi Hills District.
