Shillong ,Nailar 24: Ka Hynniewtrep Youth Council (HYC) Mawryngkneng Circle ban pynrem jur ia ka jingbym kren eiei u MLA ka thain u Bah David Nongrum ha iing dorbar thawain ban pyntrei kam ia ka Inner Line Permit (ILP) bad kiwei de ki mat jingdawa ki la pynlong da ki jingiakhih da kaba rah ia ki placard.
Ki dkhot ka seng ha ryngkat ki placard ba la thoh ia ki jingthoh pynrem ia u MLA uba la kyrshan ia u Myntri Rangbah u Mukul Sangma ban kyntait ia ka jingpyntrei kam ka ILP ki la pyrshah ia u MLA u Bah David katba u dang thmu leit plie ia kawei ka skul.
Ka HYC ka la pynpaw ha ka jaka ba une u MLA un ia said ia ki mat jingdawa kiba dei ki daw bha jong ka jaitbynriew hynrei u la jied ban long kum u thlong u ba shu sngap jar na ka wei ka por sha ka wei pat.
Ka HYC Mawrynkneng circle ka pynrem jur ia u Bah David Nongrum bad ka dawa ruh ba lada u dang bteng ban sngap jar bad lada um treh ban kyrshan ia ki 14 tylli ki mat ba dawa,ka seng kan dang bteng ban iakhih pyrshah ia u
Ka seng ka kyntu ia baroh ki durbar shnong ban maham ia une u MLA ba un rung ha ki shnong ki thaw lada um kren bad ia said ia ki issue ka jaidbynriew.Kane ka long ka kyrwoh khubor ba la phah da u Bah Riskhem Khar kamni President HYC Mawryngkneng Circle.
