Pyrshah ka KSU ia ka hukum kaba ong ban ioh ia ka skhim shna iing PMAY hap don Aadhar

Shillong, Naitung 2:Ka Khasi Students’ Union War Jaintia Circle mynta ka sngi hapoh ka jingialam u President Samla Laitphar Syngkrem, General Secretary Samla Lurman B Talang bad Finance Secretary Samla Kindly Khyriem la leit ban ujor bad pyrshah jur ha u Deputy Commissioner, West Jaintia Hills District halor ka hukum bala mih ba tang da u Aadhar Card dei ban submit ha ka Scheme Pradhan Mantri Awas Yojana (PMAY) ki bym don Adhar kin ym ioh ia kane ka scheme.

Ka jingpyrshah jong ka Seng halor ka nongrim ba u Adhar um pat long ain hapoh ka jylla jong ngi bad ka Sorkar kam dei ban iaid lait halor kane ka hukum ka iingbishar. Ka Seng ka kyntu ruh ia ka Sorkar ba dei ban pynmih shuh shuh ki kynja jingtip ha ka jaka u Aadhar khnang ba kan pynsuk ia ki paidbah namar ia mynta hi shibun ki paidbah kim pat pdiang ia u Adhar.

Ka Sorkar kam dei ban phah leh jubor ne shon jubor ia uta u Adhar ka shong ha ka jingmut, jingpyrkhat ba laitluid ha man la uwei uwei u nongshong shnong jong ka thain. Ka Seng kam pdiang ia kane bad dei ban pynkylla mardor ia kane ka hukum ba dei tang lyngba u Adhar yn ioh ia kane ka Scheme.

Ha kane ka jingiakren na ka liang u Deputy Commissioner Shri. Garod L.S.N Dykes u la kular ban phah ia kane ka jingujor sha ka Sorkar ba kan peit bniah ia kane khnang ba ki paidbah kin suk ha kaba iadei bad kane ka scheme PMAY.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet