Pyrshah ki paidbah ban buh ia ka jaka bret niut ha shnong Umlaitteng

Shillong,Naitung 22: Ki nongshong shnong jong ka shnong Umlaitteng kaba hap ha mawhati Ribhoi District ki la pynpaw ia ka jingpyrshah jur ia ka jing thmu jong ka Sorkar ban wan rah ia ka Marten ha ka shnong Umlaitteng. Ha ba ia kren bad ki nongpathai khubor u president ka Poor People Movement u bah Pateng Marsing u la ong ki la ioh ka jingujor kaba mih ha ka 18 tarik u Naitung 2018 ia ka jingthmu jong ka sorkar ba kan wan rah ia ka marten shatei sha thain jong ngi ha shnong Umlaitteng.
Kat kum ki khubor ba mih ki ong ba ka jaka ka dei ha Umdiengngan hynrei kam long kumta ka jaka kadei hapoh Umlaitteng kumta na ka liang jong ngi ngin ym shah da leilei ruh ba kin wan rah ia ka marten sha shnong jong ngi namar ngim kwah ba ka jaka jong ngi ruh kan long kum ka Mawlai Nongkwar ha ka ba la shu dap da ki jingiewtung.
Kat kum ka jingmih ha kot khubor ba ka sorkar ka la dep ruh ia ka jingpynbna paidbah
shaphang ka jingwanrah ia ka marten sha kathain jong ngi hynrei katta ruh ka long kaba shu thok shukor kam don kum katta la bynrap u Pateng Marsing.
Na ka liang ki nongshongshnong ka Umlaitteng ki la pynpaw ia jaka ki ba ki thmu ban buh ka marten ki dei ki jaka ki ba ngi rep kumno kin pynlong jaka bret ia ki jaboh jabain sha kito ki thain.
Na ka liang ka president ka senglongkmie ka shnong Umlaitteng ka kong P.Dorphang ka la ong “Kawei ruh ba ki ong kadei jaka ha Lumdiengngan hynrei ka Lumdiengngan kam don ia ka jaka ba heh namar ka dei ka tang kajaka kaba rit bad kaba shu pynkha na Umlaitteng.
Ki dei ruh ki jaka ba ngi rep bad ki um dih ki um ba ngi pyndonkam ruh ki iaid lyngba kita ki jaka ki ba ki thmu ban buh ia ka maten bad kadei markhap shnong.

 

What Next?

Recent Articles

Leave a Reply

Submit Comment

*