Shillong, Risaw 24: Mynta ka sngi ha ka por kumba 8 baje mynstep ki briew kiba ym lah ban ithuh kila rah bor ia u Ram Kumar, u manager jong kawei ka parmaw kaba don ha Pilingkata kaba hap hapoh jong ka r Byrnihat Police station,ha Ri Bhoi District.
Mar ia ioh ia kane ka jingujor na ka liang jong ki pulit kila pynlong ia ka jingkhynra ia katei ka jaka ban ioh pynlait ia u ba shah rah bor bad ha ka juh ka por ban thwet ia ki nongrahbor, kat haduh ba thoh ia kane ka khubor ka jingthwet ia ki nongrah bor ha katei ka thain ka dang iaid.
Ha kawei pat ka jingjia, ha por shiteng sngi ki birew kiba ym lah ban tip kila lute ia u Bikash Gohain hapoh ka taxi kaba don ia u number ML-05B-798, kine ki nonglute kila ioh ban knieh T.2000/- tyngka ka pisa, ka mobile bad ar tylli ki ATM kard, kawei ka pan Card bad kane kala jia ha khyndailad.
