Shillong, Kyllalyngkot 28: U Lat ka jylla u Brig. (Dr.) B.D Mishra (Retd.) mynta ka sngi ha ka jigndon lang ka kurim ka Neelam Mishra la sam ia ka khusnam sha ki nongjop jong ka jingialehkai Basketball bad Tennis Championship 2023 kaba la pynlong ha Raj Bhavan Shillong.
Ia kane ka jingialehkai la khot ban pynlong da u Lat ka jylla kum ka jingplie ia ka madan ialehkai basketball kaba thymmai kum juh ia ka jaka ialehkai Tennis ha Raj Bahvan Shillong, Kane ka jingialehkai kala long na ka bynta saw sngi lynter.
Ki kynhun kiba la wan ban ia shim bynta ha kane ka jingialekai ki don phra tylli ha ka jingialehkai Basketball na ka liang jong ki shynrang, ki kynhun kiba la wan ban ia shim bynta ki long Umroi Military Station, Eastern Air Command, Civilian Team, Raj Bhavan, CRPF, Assam Rifles, 101 bad Meghalaya Police (MLP).
Ha kane ka jingialehkai Basketball ki don ar kynhun na ka liang ki kynthei, kawei na ka long jong ki MLP bad kawei ka dei na ka kynhun paidbah.Ha ka jingialehkai Tennis ki don 12 ngut kiba la ia shim bynta, na CRPF, Assam Rifles, HQ Eastern Air Command, Raj Bhavan bad BSF.
Ha ka jingailehkai Basketball ka kynhun shipai 101 kila rah ia ka nam lah duh da kaba pynrem ia ka Meghalaya Police na ka liang ki shynrang bad na ka liang ki kynthei ka Meghalaya Police kala rah ia ka nam lah duh.
Ha ka jingialekai Tennis ia ka nam lah duh ra ioh da u Wanpynskhem Mawroh bad bala wan baa r ha kane ka jingialehkai dei u Amit Ram. Ia ka nam Nongialehkai bat bit la ioh da u R. Thapa of 101 katba ha ka jingialehkai Tennis la ai sha u Wanpynskhem Mawroh. Ha kane ka sngi la don lang ruh u Chief Secretary ka jylla u bah DP Wahlang bad u DGP u Dr L R Bishnoi.
