Rah ka jylla Meghalaya 7 tylli ki Takama ksiar ha ka jingiakura ha nongbah Raipur

Shillong, NKiba ioh Takma Ksiar.ailur 10: Ki khynnah ialehkai Kickboxing jong ka jylla Meghalaya hapoh ka lama jong ka Meghalaya State Kickboxing Association (MSKA), haduh mynta ka kynti ki lah ioh ban khurhaduh 13 tylli ki takma hynniew tylli ki takma ksair,  2 tylli takma rupa bad saw tylli ki takma rynong ha ka Cadet, Junior bad Senior Kickboxing Championship 2017- 2018 kaba lah long ha ka nongbah Raipur, Chhattisgarh naduh ka 6th- 10th September 2017 kaba lah pyniaid da ka Kickboxing Association of Chhattisgarh.

Ha kane ka jingialehkai lah wan ia shim bynta da 25 tylli ki jylla bad 4 tylli ki Union Territories bad kumba 2200 tam ki nongiashim bynta baroh. Na ka jylla Meghalaya lah mihkhmat da 29 ngut ki nongialehkai 8 ngut ki Kynthei bad 21 ngut ki Shynrang, 3 ngut ki International Referee bad Judge, 2 ngut Team Manager bad uwei na ka sorkar jylla.

Ha ka sngi plie kaba nyngkong eh ha 7 tarik September 2017, ka takma ksiar kaba nyngkong eh jong kane Ka Championship la khur da u Samla Pule Class XI ha Shillong College ba na ka Shnong Smit ha ka jingialehkai Musical Form Hard Style jong ka Kickboxing. U Samla Pynnehbor Mylliemngap u la bat biang ia kane ka nam nalor ba u dei ruh uba la bat ia ka Takma Ksiar ha ka Asiad Kickboxing Championship 2016 kaba la long ha Turkmenistan Ashgabat

Kiba lah ioh takma hakane ka jingiakhun ki long, kiba la ioh ia ka takma ksiar ki long ka, samla Ibadarishisha Mukhim na Lumparing, u samla Pynnhebor Mylliemngap na Smit, U samla Nathaniel Kurkalang na Mylliem,ka samla Ebilities Diengdoh na Erpakon Nongpoh, ka samla   Miranda Mukhim na Mawkynrew, u samla Heimonmi Suchiang na Jowai bad ka samla  Monica Nongrum na Umsaw Nongkharai Nongpoh.

Kiba la ioh ia ka takma rupat ki long, u samla Ebatstar Syiem na Jaiaw, u samla Khrawbok Marwein na Mawlai Iewrynghep, kiba la ioh ia ka takma rynnong pat ki long, ka samla Rosina Mukhim na Jatah Lakadong, u samla  Babit Kharsahnoh na Smit, u samla Edward Mawthoh na Kharmalki, Malki bad u samla Elbring Umbah na Mawtari, Ri Bhoi.

Ka MSKA ka kitbok kitrwiang ia baroh kiba lah jop ha kane ka jingiakhun bad ka lah ai mynsiem ruh ia baroh kito kiba khlem jop ba kin nang iai trei shitom bad ba kin nang lehkai bha ha kiwei pat ka jingiakhun. Ka ai Khublei ruh ia kito baroh kiba la ia noh synniang ban pyn poi ia kine ki khynnah Ialehkai shaduh Raipur.

Ka MSKA ka ai Khublei ruh ia baroh kito kiba lah kloi ban iarap bad nongsynniang lang ia ki nongialehkai jong ka jylla bad ba u Blei un nang kyrkhu kyrdoh ia ki ba kin nang ioh ka met ba shait ba khlain bad ba kin nang bha ka kamai kajih ha baroh ki liang. Ong u Bah Manbhalang Kharkamni.

 

 

 

 

 

What Next?

Recent Articles

Leave a Reply

Submit Comment
*